A Xunta aumenta o nivel máximo de restricións a seis concellos a partir do venres
Trátase dos concellos lucenses da Paradela e A Pobra do Brollón, os ourensáns de Boborás, A Mezquita, e Vilardevós e o pontevedrés de Pontecesures. Outros 13 estarán no grupo de restricións de nivel alto.
Por Galicia Confidencial | Compostela | 09/03/2021 | Actualizada ás 21:39
Paradela, A Pobra de Brollón, Boborás, A Mezquita, Vilardevós e Pontecesures terán a partir do venres restricións de nivel máximo. Isto implica que só poderán moverse nos límites do concello e limitar as relacións persoais aos convivintes. A hostalaría e comercio permanecerán pechados. Deste nivel máximo sae Soutomaior.
Así o decretou o Comité Clínico reunido este martes que tamén anunciou que outros 13 concellos estarán no grupo de restricións de nivel alto. Neste nivel alto de restricións quedarán os concellos de Soutomaior, Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado.
Os seus habitantes só poderán moverse entre concellos de leste mesmo nivel e poderán reunirse cun máximo de catro non convivientes. O interior dos locais de hostalaría debe permanecer pechado, mentres que poden abrir as terrazas cun 50% de aforamento, ata as 18,00 horas.
Segundo informou o Sergas nun comunicado, o resto dos concellos galegos queda no terceiro nivel, con restricións de carácter medio, que permiten un aforamento do 30% no interior de bares, restaurantes e cafetarías e do 50% nas terrazas, tamén ata as 18,00 horas. Así mesmo, está permitida a mobilidade con concellos no mesmo nivel e reunións de non convivientes cun máximo de catro persoas. Estas medidas entrarán en vigor ás 00,00 horas do venres día 12 de marzo.
