Por Jessica Fernández | SANTIAGO DE COMPOSTELA | 11/03/2021 | Actualizada ás 22:15
Como é a calidade de vida da xente que vive na costa tras a Covid-19?. Que impacto pode ter?... A estas e outras respostas tenta dar resposta o grupo de traballo sobre resiliencia e servizos dos ecosistemas mariños, que pertencente ao International Council for the Exploration of the Sea (ICES), e que está a impulsar unha investigación que mide o impacto da COVID-19 no benestar da poboación das zonas costeiras.
Esta análise, coordinado polo profesor de economía da USC Sebastián Villasante, é o primeiro estudo global que aborda os impactos da COVID-19 na calidade de vida da poboación do litoral, xa que o 40% da poboación mundial vive a menos de 100 kilómetros da costa.
“Este é o primeiro estudo global que incidirá na calidade de vida das poboacións litorais, incluíndo cambios en costumes dietéticos, ocio cultural nas áreas protexidas, así como impactos físicos e cognitivos debido á pandemia", explica o profesor Villasante.
No seu traballo, o grupo documenta os enfoques actuais dispoñibles en relación coa valoración multidimensional dos servizos dos ecosistemas mariños e a súa contribución á calidade de vida dos seres humanos. A valoración dos servizos dos ecosistemas mariños é fundamental para os responsables políticos, pero en Europa faltan datos rexionais e locais.
Así, os investigadores defenden que a crise da COVID-19 pode aumentar vulnerabilidades e risco de desigualdade para as zonas litorais, por iso as achegas da investigación, defenden, "permitirán profundar na resiliencia das zonas litorais e identificará solucións e proporcionará ideas ás rexións litorais para que poidan desenvolver á hora de acometer a crise".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.