Un total de 160 técnicos de ascensores de Otis están chamados á folga este este luns e o 9 de decembro
A CIG censura que a dirección pretende conxelar salarios no primeiro ano de duración do convenio.
Por E.P. | SANTIAGO DE COMPOSTELA | 22/11/2021 | Actualizada ás 14:03
Un total de 160 traballadores e técnicos de ascensores da empresa Zardoya Otis están llamandos á folga en Galicia, no marco dunha convocatoria a nivel estatal en 128 oficinas --realizada por Sindicato da Elevación, UGT, CC.OO. e Zutik-- entre este luns e o 9 de decembro, en defensa de melloras do convenio colectivo e contra da "precarización" do seu traballo.
Nesta convocatoria de folga en Galicia chámase a ser secundada por 160 empregados, que se encargan do mantemento de 12.672 ascensores nos centros de traballo da empresa nas catro provincias.
Con base nos servizos mínimos fixados pola Xunta, considéranse como esenciais os relativos a avisos de ascensores parados, atrapados e emerxencias de aparellos elevadores, así como a propia actividade de conservación. Igualmente, ocorre o mesmo co servizo de asistencia en edificios públicos
Así, o Goberno galego fixa que debe haber uns servizos mínimos correspondentes a un domingo e durante 24 horas. Por iso, debe haber un técnico por cada 1.000 ascensores en mantemento, que serán dous técnicos entre 1.000 e 2.000 unidades, mentres terá que haber tres técnicos por máis de 2.000 unidades.
MOTIVOS DA FOLGA
O pasado 10 de novembro celebrouse en Madrid unha mobilización --que terminou ante o Congreso--, á que acudiron membros da CIG, en contra da "intención de Otis de desmantelar o convenio colectivo vixente na empresa desde 1979 para comezar de cero cun acordo que empeore as condicións de traballo".
O actual convenio leva caducado desde 2019, mentres os sindicatos denuncian que aumentou o número de ascensores que ten que atender cada operario, ademais que se obriga a técnicos a realizar labores comerciais.
Igualmente, traballadores de Otis denuncian que desde o verán se despediron a 27 empregados, a pesar de que entre decembro de 2020 e agosto de 2021 a compañía gañou un 5,4% máis.
A CIG censura que a dirección pretende conxelar salarios no primeiro ano de duración do convenio, cunha subida "moi pequena" en futuros exercicios. A dobre escala salarial suporía que o persoal de nova entrada estaría tres anos cobrando por baixo do convenio, mentres que as quendas de 24 horas pasarían a ser obrigatorios e non voluntarios como ata agora, "ademais de realizarse polo mesmo salario".
