Por E.P. | SANTIAGO DE COMPOSTELA | 29/12/2021 | Actualizada ás 10:32
O Real Decreto-lei de reforma do mercado de traballo entrará finalmente en vigor este xoves ao atrasarse a súa publicación no Boletín Oficial do Estado (BOE) ata este xoves.
Fontes do Goberno informaron a Europa Press que, por unha cuestión de tempos, a norma non apareceu hoxe publicada no BOE, pero farao un día despois, entrando en vigor ese mesmo día, 30 de decembro.
Haberá unha excepción, a nova regulación de contratos, que non estará vixente ata tres meses despois, período que terán as empresas para adaptarse ao novo marco de contratación. No caso dos contratos de obra ou servizo vixentes á entrada en vigor da reforma, a súa duración máxima limítase a seis meses desde a publicación da lei, de forma que pasado ese tempo desaparecerán do mercado de traballo español.
O Consello de Ministros aprobou o martes a reforma laboral, que persegue pór coto á temporalidade, devolver o equilibrio á negociación colectiva e incorporar á lexislación ordinaria os expedientes de regulación temporal de emprego (ERTE) que substituirán aos utilizados en pandemia, pero co mesmo obxectivo: evitar despedimentos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.