Dous homes hospitalizaados tras o choque de dous vehículos en Betanzos

Dous homes foron evacuados polos servizos sanitarios a un centro hospitalario despois de chocar dous vehículos no Polígono de Piadela, no concello coruñés de Betanzos.

Por E.P. | SANTIAGO DE COMPOSTELA | 03/05/2022 | Actualizada ás 10:18

Comparte esta noticia

Dous homes foron evacuados polos servizos sanitarios a un centro hospitalario despois de chocar dous vehículos no Polígono de Piadela, no concello coruñés de Betanzos.

Segundo informou o 112 Galicia, os Bombeiros de Betanzos indicaron que foi necesario o uso do material de excarceración para liberar a un dos ocupantes do interior dun dos vehículos sinistrados.

O suceso tivo lugar dez minutos antes das 22,30 horas deste pasado luns. Unha persoa chamou ao Centro Integrado de Atención ás Emerxencias para alertar dun accidente entre dous vehículos e no que dúas persoas podían necesitar asistencia sanitaria.

Con estes datos, os xestores de emerxencias do 112 Galicia puxeron en marcha un operativo formado por, ademais dos bombeiros, persoal de Urxencias Sanitarias de Galicia-061, axentes de Tráfico, Policía Local e voluntarios de Protección Civil de Betanzos que xa no lugar, confirmaron que un dos feridos necesitaba axuda para saír dun dos vehículos.

O 061 enviou ao momento do sinistro dúas ambulancias de soporte vital básico que atenderon e trasladaron ao Hospital San Rafael a dous homes de 37 anos de idade, D.C.N. e A.A.A., confirmaron a Europa Press fontes sanitarias.

Un vehículo da Garda Civil desprazado ao lugar dun accidente. GARDA CIVIL
Un vehículo da Garda Civil desprazado ao lugar dun accidente. GARDA CIVIL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta