A ministra de Transportes estudará en setembro a petición de varias autonomías para un novo mapa de rutas de autobús
A consellería de Transporte da Xunta de Galicia declara que o asunto do mapa de concesións é estrutyral e chega nun momento en que os prezos dos carburantes "están disparados".
Por E.P. | Santiago de Compostela | 06/07/2022 | Actualizada ás 15:23
A ministra de Transportes, Mobilidade e Axenda Urbana, Raquel Sánchez, busca abordar en setembro a petición de varias Comunidades Autónomas, entre elas Galicia, dun novo mapa concesional de servizos regulares de transporte por estrada, que reduce as rutas de 966 a 510, prexudicando fundamentalmente ao mundo rural.
Así o trasladou a conselleira de Infraestruturas e Mobilidade, Ethel Vázquez, tras a Conferencia Nacional do Transporte, recalcando que o asunto do mapa de concesións é "estrutural" e chega nun momento no que os prezos dos carburantes "están disparados e seguen crecendo".
Ante os medios de comunicación, Vázquez detallou que Galicia e outras autonomías trasladaron a súa "preocupación" polo novo mapa, que non poden "compartir". Segundo especificou, Sánchez sinalou que "toma nota" e que espera poder abordar o asunto coas Comunidades Autónomas interesadas en setembro.
"Esperemos que así sexa", indicou a coselleira, que suxeriu unha conferencia presencial para abordar este asunto e o Anteproxecto de Lei de Mobilidade Sustentable, ambos os "esenciais" para Galicia. "Son dúas normativas que a Comunidades Autónomas periféricas como Galicia son lesivas e diminúen de forma substancial os servizos de transporte".
Galicia e outras autonomías buscaban tratar estes dous asuntos fose da orde do día, centrado nas axudas á dixitalización ás pemes e empresas e ás axudas ao transporte mediante a bonificación do prezo do billete ao usuario. Con todo, segundo Vázquez, que insistiu en que ambos son "asuntos de calado" tamén para fomentar o transporte público, o Ministerio de Transportes "non tivo a ben" dialogar sobre as dúas medidas.
"MALESTAR"
Das axudas á dixitalización ás pemes e empresas, Vázquez trasladou o "malestar" da Xunta polo cambio de criterio para recibilas, que antes eran as licenzas para vehículos pesados e a pasado a ser por poboación.
Galicia perde un 30 por cento nesas axudas polo cambio e pasa de 8 a 6,2 millóns de euros, segundo recalcou Ethel Vázquez, que tamén sinalou que desde o Ministerio de Transportes xustificaron que abordaron o asunto con diferentes sectores e outras Comunidades Autónomas e que "moitos cargadores non teñen vehículos, polo que consideran que o poboacional é o criterio "máis equitativo".
BONIFICACIÓN TRANSPORTE
Das axudas para a bonificación do transporte, Galicia insistiu en que "é insuficiente" e pediron coñecer como vai producirse a repartición do montante, 100 millóns de euros.
Por último, Vázquez informou de que non tivo "oportunidade" de tratar o derrube na A6 e lembrou que o colapso "afecta seriamente á mobilidade de Galicia", xa que "é un eixo vertebrador esencial".
