O expresidente do comité de empresa de Renfe confesa que viron "inconcibible" que a liña non tivera o sistema ERTMS

O ex director de seguridade de Adif Andrés Cortabitarte, un dos acusados no xuízo polo accidente do tren Alvia, "puxo de manifesto" que un decreto de 2007 "xustificaba a eliminación" das comisións mixtas de seguridade entre Renfe e o administrador ferroviario.

Así o asegurou este mércores durante a súa declaración o expresidente (na actualidade secretario) do comité de empresa de Renfe, Juan Carlos Canas, que comparece a proposta do avogado que defende ao maquinista Francisco Garzón, o outro procesado.

O letrado de Garzón tamén lle preguntou se "todos os teléfonos da rede ferroviaria" son titularidade de Adif, ao que este sindicalista, liberado desde 2007, respondeu que iso é "correcto".

Canas participou en grupos de traballo sobre seguridade ferroviaria da Axencia Ferroviaria Europea e trasladou a "sorpresa" que manifestaron os seus responsables cando sucedeu o sinistro da curva de Angrois, onde morreron 80 persoas e 145 resultaron feridas.

Vían "inconcibible", do mesmo xeito que el, segundo subliñou, que a liña non contase coa supervisión "completa" do sistema de control da velocidade 'ERTMS'.

O secretario do comité xeral de empresa de Renfe, no xuízo do Alvia. CAPTURA | Fonte: Europa Press