Polémica polo cese do voceiro de Podemos Lugo

O Círculo acusa a EFE de falsear a fonte do suposto pasado do seu ex-voceiro en Fuerza Nueva.

Por Galicia Confidencial | Lugo | 08/11/2014 | Actualizada ás 11:30

O Círculo Podemos Lugo emitu un comunicado no que desmente rotundamente ser a fonte da información publicada en EFE, segundo a cal o seu ex-voceiro Carlos Castro foi expulsado porque estivo afiliado ao colectivo fascista Fuerza Nueva.

O grupo di que botou a Castro por mostrar "actitudes contrarias aos principios éticos e democráticos" nunha asemblea o día 30 de outubro. A noticia transcendeu a EFE, quen revelou o pasado fascista do ex-voceiro citando como fonte ao grupo, pero Podemos insiste en que non comunicou aos medios que expulsara ao ex-voceiro polo seu pasado político

. Así o Círculo Podemos Lugo manifesta "o seu absoluto descoñecemento acerca da fonte/s da devandita noticia; rexeitando, polo tanto calquera responsabilidade ao respecto" e que "é absolutamente falso que dende Podemos Lugo se enviase unha nota de prensa na cal se difunda a información publicada pola axencia EFE". Os activistas sinalan que a Axencia, propiedade do Estado, rectificou a información e anima a todos os medios que rebotaron o teletipo a correxir publicamente cumprindo co seu "deber moral".

Sobre a expulsión, Podemos Lugo sinala que "en ocasións achéganse ás asembleas persoas que non comparten a metodoloxía democrática, que demostran ambicións personalistas ou que simplemente consideran que Podemos é unha oportunidade de alcanzar un posto de poder" polo que "non teñen cabida nesta organización, e deben quedar fóra dela cando así o decida o círculo en función das súas protocolos e asegurando todas as garantías democráticas".

O Círculo de Lugo asegura que abre unha nova etapa de desenvolvemento na que elixirá portavoces e " aplaude a decisión de non acudir ás municipais baixo a marca Podemos, xa que os tempos de maduración dos círculos deben ser respectados".

Malia a súa fulgurante ascensión nas enquisas, Podemos votou a nivel estatal non presentarse aos comicios locais. A forza de Pablo Iglesias evita así que a súa marca poida ser ciscada pola entrada de 'paracaidistas' doutras formacións como puido suceder en Lugo.

Ademais da estratexia para as locais, agora os grupos de Podemos están centrados agora a debater os seus representantes nos órganos estatais, o Consello Cidadán e a Comisión de Garantías. Por exemplo, Podemos A Coruña organiza un encontro cos "candidatos avalados" hoxe nuns relatorio. Os candidatos responderán as cuestións que lle presente a cidadanía tanto a través de Internet como presencialmente, nun acto que ten lugar na Rúa Marqués de Pontejo, número 7 , preto do Mercado de San Agustín.

4 Ana

Gustariame saber que pensa facer Podemos coa debeda ilexitima (¿Hai que pagala ou non?), que van facer para loitar contra a corrupcion, se van garantir a separacion de podereres, como pensan crear emprego, que opinan sobre as nacions con lingua propia como Galiza, ¿permitiran un referendum monarquia/republica?, ¿sairemos ou non do euro?, etc. En definitiva quero saber se Podemos é mais do mesmo ou realmente van gobernar en beneficio da maioria social e se creen nun estado plurinacional e plurilingue ou nunha España centralista e monolingue.

1 Será plural ou non será

Moi simple, estimada Ana, os que pensan, obran e permiten somos o povo. Podemos será o que decidamos, unha ferramenta útil se o control o temos desde abaixo. A participación dos galegos concienciados no referente á propia identidade da nosa nación será decisiva para dar resposta a discriminación da Galiza. Como Podemos estatal ou creando unha opción netamente galega, estamos ante unha experiencia de participación cidadá novedosa e necesaria. Sobre os temas económicos e o dereito a decidir hai documentos na rede, pero o máis importante é non esquecer que estamos ante unha plataforma dinámica, en construción mais con novas ideas, logo participemos da nova política (coa marca Podemos ou con outras) que liquide os partidos do sistema.

3 Venzamos o medo!

Podemos roe nos partidos sistémicos e proe no Estado: por iso EFE, a axencia fascista reconvertida, difama. E hai que ver canta difusión lle deron os medios, para que digan que Podemos conta co apoio da prensa e ten detrás os intereses do poder. Hai unha rapper portuguesa chamada Capicua que explica o medo: hai moito interese en que teñamos medo a Podemos e à liberdade!

2 Gatopardismo globalista

É o que ten non ser "de izquierdas ni derechas". POTEMOS é "disidencia" pre fabricada polo sistema, para evitar que o previsible descontento polas suas políticas de expolio se radicalicen, e levala por canles controlables. Os Circulos non pintan nada, mais que darlle aparencia de bases e militancia a un partido xurdido da nada e apoiado polos medios de comunicación da burguesía e colonialismo. En POTEMOS decide o novo Xesucristo Superstar mediatico da coleta. E as suas políticas económicas hai tempo están definidas por Torres e Navarro. Neo colonialismo e opresión tuneado, para que sigamos tragando, mentras as ovellas no redil, soñan cunha ciber revolución tecnotrónica que vai devolverlles o status de clase media e choios para os que estudaron.

1 Humildade, sobra soberbia

Hum..., cheira a can! O Bloque interclasista tiña igual in-definición (PNG, Mariñas, Rguez. Peña, Carlos Mella...), e moitos caladiños!. O teu estilo de superioridade intelectual faime cavilar... Cres estar por riba de Vicenç Navarro en teoría económica? E, nós galegos-ovellas, sen saber da túa valía! Tan errados están Noam Chomsky, Judith Butler ou Eduardo Galeano cando avalan a proposta de Podemos? En que século vives, cales son as túas receitas exitosas para o povo? As que contan os libros cheos de pó e levaron a fracasos económicos e sociais do falso comunismo estatalista? Ou escolles aprender de latinoamérica, como fai Podemos, para facer política no século XXI? E, por favor, deixa de mirarnos desde as alturas, se cadra non es tan superior!

2 Ovella neghra

O coletero, Errejón ou Monedero ocupan mais espazo nas teles e xornais burgueses, que o resto de partidos, ianlle dar bola, se fosen un perigo ou medio revolucionarios. A revolución non será televisada. Non hai tal sintonía, na última xira do coletero por Latinoamérica coidou moito de non visitar Venezuela, polas comparacións. Errejón acaba de decir que gostan da bandeira española, e que o dereito a decidir dos españois debe estar por encima dos catalans. Navarro e Torres, propoñen medidas keynesianas, imposibles hoxe en día, empezando porque, a burguesía, tendo man escrava, non van facer ningún contrato social, xerme do estado social de benestar. As políticas fiscais expansivas as rendas altas, outro dos seus mantras, farán que o pouco diñeiro que non foi a Suiza e as empresas con domicilio social aquí, fuxan coma tolos. O seu carácter sistémico, e neo colonialista de negarlles os seus dereitos as nazóns sen estado é obvio.

3 Beeeeeeee

Piden o mesmo que George Soros e grandes oligarcas, os eurobonos, para que os usureiros capitalistas sigan a facer o Agosto a conta de endebedarnos mais. E unha pequeña quita da debeda, para afroxar un pouco a soga e non morramos afogados os debedores, e sigamos a pagar. A sua mensaxe de casta política a par dos medios de incomunicación da burguesía, fai facer pasar desapercibidos as mafias económicas, os verdadeiros culpables, beneficiados e inductores da corrupción, facendo descargar todas as culpas sobre os políticos, meros mercenarios e xestores dos negocios da burguesía. Os políticos ao igual que os sátrapas gastados das revolucións de coleres, se cambean. Quítate ti que me poño eu! e as ovellas no redil a tragar, ar novo, políticos e políticas novas postmodelnas do Século XXI. que van devolverlles o estado de benestar e clase media... beeeeeeeeee!

4 Can de palleiro

O señor é maior, por iso podería ser máis tolerante, pois a decrepitude física e intelectual non lle dá dereito a empregar descualificacións personais (coletero, Xesucristo Superstar, Potemos) para desacreditar propostas políticas. Está por ver se en Podemos deciden as bases, os Círculos, ou os dirixentes-portavoces. O que diga un membro é a súa opinión, pois por ter un concelleiro pro- taurino en Pontevedra non imos dicer que o BNG é amigo da barbarie españolista. No BNG hai documentos que aclaran a posición sobre os touros, en Podemos tamén sobre a autodeterminación. Que un madrileño se sinta moi español non debería molestarnos mentres non impoña o seu criterio. Ben, o señor ten como modelo a Gaddafi, entendo que sendo así pense que os demais somos ovellas! Mais eu opino que mellor que revolucionario é can de palleiro...

5 Can domesticado

Xa o dicía Castelao, morde a todos menos ao amo! Así o señor coincide cos argumentos de Esperanza Aguirre, pobriños os traballadores que se nos fugan os empresarios benefactores..., que casualidade? Non tanta, verdade? Os que coñecemos o señor lembramos a súa defensa de Amancio Ortega, "feito dunha pasta especial", tan agradecido que ficou do seu amo... Hai, aquelas fotos onde Beiras e Camilo Nogueira lle fan a pelota a Amancio Ortega, e aquel pleno da Coruña que o declara fillo predilecto da cidade por unanimidade... Entendo que, como doméstico, lle moleste Podemos!

1 Éche o que hai

Pódese ser logo fascista (franquista, nazi, etc.) e de Podemos? Se a expulsión non foi polas súas ideas, senón polo seu comportamento, parece claro que segundo estes non é incompatible. Como para se fiar deles logo

1 Xan do Can

Pola simpleza do teu argumento debes ser xornalista de EFE ou algo así. Se o botan por amosar "actitudes contrarias aos principios éticos e democráticos" é evidente que un fascista non podería nunca ser de Podemos. Cousa distinta é que se publiquen mentiras. Se o tipo nunca foi de Fuerza Nueva difícilmente o poden botar por iso. Hai outros sitios nos que con ser moi nacionalista é a única condición necesaria para estar, independentemente dos "principios éticos e democráticos".

2 Androide

Xan do Can: Podemos Lugo desminter ter sido a fonte da noticia, non que este señor, o seu portavoz ata hai unhas horas, fose (ou tivese sido) de Fuerza Nueva. Como o da Estrada de Nuevas Generaciones.

3 anonimo

Como o sionista do Bloque en Vigo... Coa diferenza de que o lucense nega tal vinculación (La Voz de Galicia de hoxe, presentando denuncia por difamación) e a mesma axenca EFE pide disculpas polo erro, e o do orgulloso sionista amigo do Israel que masacra aos palestinos dentro do Bloque foi certo!

4 Mimo

Anónimo, o sionista de Vigo fai anos que se foi, ou enseñaronlle a porta, do BNG, penso que agora anda nesas organizacións transversais, apolíticas e de empoderamento da cidadanía, xa me entendes...