Por E.P. | VALLADOLID | 27/03/2023 | Actualizada ás 16:12
A ministra de Transportes, Mobilidade e Axenda Urbana, Raquel Sánchez, aseverou este luns que considera que a "competición entre cidades dunha mesma comunidade autónoma" xerada ao redor dos nodos do Corredor Atlántico "non ten ningún sentido". Así o recalcou a ministra durante a visita que fixo este luns a Valladolid para coñecer distintas actuacións de infraestruturas ferroviarias que se executan na capital valisoletana.
Ao ser preguntada sobre as reclamacións de distintas cidades castelás e leonesas sobre a súa presenza nesa rede de transporte, Sánchez considera que se xerou "unha polémica" e unha "competición entre cidades, ademais dunha mesma comunidade autónoma", algo que na súa opinión "non ten ningún sentido".
Sánchez defendeu que o trazado do corredor "obedece a uns criterios" e recalcou que "non se pode cuestionar" a aposta que fai o Goberno por infraestructras "que son necesarias". A ministra incidiu en que a Comisión Europea foi a que definiu o Corredor Atlántico e lembrou que a información "non é nova, non é de hai dous días", e ironizou con que "parece" que algunhas cidades "se deron conta deste extremo nas últimas semanas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.