Galicia envía un operativo a Asturias para colaborar na extinción dos incendios

Un operativo composto por distintos medios anti incendios parte este mesmo venres de Galicia con destino a Asturias para colaborar nos traballos para combater os lumes que afectan á comunidade veciña.

Segundo informou a Consellería do Medio Rural, o dispositivo galego está composto por tres brigadas, un axente, un técnico e dúas motobombas, todos eles pertencentes ao Servizo de prevención e extinción.

O operativo complétano cinco bombeiros forestais condutores e sete vehículos lixeiros, así como un camión cisterna para abastecer as motobombas e un dron de coordinación, medios estes últimos da Axencia Galega de Emerxencias (Axega).

Bombeiros de Asturias traballan no incendio dos concellos de Valdes e Tineo | Fonte: Europa Press