A soidade non desexada supón un 1,17% anual do PIB en España, 14.000 millóns
As universidades de Vigo e A Coruña realizaron este informe en colaboración con NextDoor.
Por Galicia Confidencial | MADRID | 22/04/2023 | Actualizada ás 21:00
O custo total da soidade non desexada rolda os 14.000 millóns de euros anuais en España, o que equivale ao 1,17% do Produto Interior Bruto (PIB) de 2021. Así o recolle un estudo impulsado por SoledadES, o observatorio creado por Fundación ONCE en colaboración con outras entidades para abordar o problema que supón o illamento involuntario na sociedade actual.
O traballo, realizado por expertos das Universidades da Coruña e Vigo en colaboración
con Nextdoor e presentado este luns en Madrid, detalla que os custos provocados pola soidade non desexada ascenden cada ano en España a 14.141.088.527 euros, unha cifra que se obtén da suma dos gastos sanitarios, as perdas de produtividade, a redución da calidade de vida e as mortes prematuras.
Son os custos tanxibles, os sanitarios directos e indirectos (6.101.440.763 euros), e os intanxibles, redución na calidade de vida provocada polo sufrimento físico e emocional (8.039,6 millóns de euros).
Ademais, mídense os custos intanxibles, que mostran a redución de calidade de vida provocada polo sufrimento físico e emocional. Así, a soidade non desexada fai que cada ano se perdan en España máis de 1 millón de AVAC ou anos de vida gozando de plena saúde.Isto representa o 2,79% dos anos de vida de plena saúde totais da poboación española maior de 15 anos.
