'Fragmentos de Onte': botellas de albariño Martín Códax con relatos visuais de Galicia
Trátase dunha colección de 6 botellas únicas e diferentes cunha selección de fotografías da americana Ruth Matilda Anderson realizadas entre os anos 1924 e 1926. "Unha homenaxe á tradición e á nosa orixe", din dende a adega Martín Códax.
Por Galicia Confidencial | Cambados | 23/04/2023 | Actualizada ás 20:00
'Fragmentos de Onte' é unha Edición Especial do albariño Martín Códax disponible por tempo limitado. Unha colección de 6 botellas únicas e diferentes cunha selección de fotografías da americana Ruth Matilda Anderson que afonda na vida do pobo galego grazas aos relatos visuais que realizou entre os anos 1924 e 1926.
Coincidindo co lanzamento desta Edición Especial, a adega Martín Códax levará a Vigo e, posteriormente a Santiago, a exposición "Fragmentos de Onte" na que poderá verse unha mostra significativa do legado fotográfico da coñecida fotógrafa norteamericana.
Trátase, en definitiva, din dende a adega "dunha homenaxe á tradición e á nosa orixe".
A exposición, abrirá de luns a sábado de 17:30 a 20:30 horas ata o 10 de xuño na Sede de Afundación de Vigo e será un espazo que acollerá diferentes contidos culturais, entre eles showcookings de recoñecidos cociñeiros da cidade e visitas guiadas con catas comentadas por un dos sumilleres de Bodegas Martín Códax.
