Preto de 600 persoas gozaron da 'Primavera de Portas abertas' da Ruta do Viño de Valdeorras
Un total de 578 personas, un 28% más con respecto a 2022, chegaron a Valdeorras a pasado fin de semana para gozar das actividades propostas pola entidade dinamizadora do turismo enolóxico na zona.
Por Galicia Confidencial | Vilamartín de Valdeorras | 13/05/2023 | Actualizada ás 11:00
578 persoas chegaron a Valdeorras a pasada fin de semana, tanto nos 'buses do viño' fletados dende diferentes cidades galegas como en vehículos particulares, para gozar do amplo abano de actividades de lecer, culturais e divulgativas sobre o viño que organizou a Ruta do Viño de Valdeorras.
“Estamos satisfeitos cos datos, sobre todo tendo en conta a dificultade que supón o feito de ter sido a primeira das rutas do viño en abrir as súas portas neste 2023. Isto supuxo ter menos tempo para organizalas e comunicalas”, destacou o Presidente da entidade, Joaquín Sánchez.
“Ademais, o tempo meteorolóxico non nos acompañou durante a mañá do sábado e, aínda así, a presenza de xente non se resintiu especialmente”, engadiu Sánchez.
Case unha cuarta parte da xente que se desprazou a Valdeorras para esta "Primavera de Portas Abertas" nas xornadas do sábado e domingo (6 e 7 de maio) partiron de diferentes cidades galegas e tamén da veciña provincia de León. Así, 150 persoas chegaron a Valdeorras nos denominados “buses del vino”.
