O aluguer en Galicia polas nubes, sobe un 5,8% no terceiro trimestre
A suba é de 8,26 euros o metro cadrado, segundo Fotocasa.
Por Europa Press / Redacción | SANTIAGO DE COMPOSTELA | 18/10/2023 | Actualizada ás 11:35
O aluguer en Galicia non para de crecer e volveu subir un 5,8% no terceiro trimestre deste ano, en comparación co mesmo período de 2022, ata situarse nos 8,26 euros o metro cadrado, segundo os datos do Índice Inmobiliario Fotocasa.
Con todo, o custo de alugar unha vivenda en Galicia baixou un 2,5% en setembro, en relación con xuño. Por provincias, en Pontevedra o prezo do aluguer subiu un 2,7% no último ano, ata 9,15 euros o metro, a pesar de que caeu un 8,1% neste trimestre. Pola súa banda, na Coruña subiu un 7,2% nos últimos 12 meses e baixou un 3,1% entre xullo e setembro, con 8,33 euros o metro cadrado.
Ourense e Lugo situáronse como as provincias galegas máis baratas, con 6,47 e 6,53 euros o metro, respectivamente, subindo un 3,4% e un 4% en comparación ao ano pasado. No entanto, Ourense foi a única nacionalidade que incrementou os seus prezos tamén no último trimestre, cun +0,3%, mentres que en Lugo baixaron un 6,4%.
Entre as cidades galegas analizadas por Fotocosa, en Vigo o prezo do aluguer incrementouse un 3,1% no último ano, ata 9,45 euros o metro, mentres que en Lugo creceu un 0,7%, con 6,72 euros. A Coruña e Santiago tamén rexistraron incrementos do 11,6% e do 4,5%, respectivamente, con 10,23 e 9,36 euros.
En Ferrol, o metro quedou nos 6,20 euros, un 6,3% máis, mentres que en Ourense subiu un 6,7%, ata 6,67 euros. En Pontevedra, o prezo do metro cadrado alugado é de 7,91 euros, un 4,8% máis.
