Por E.P. | SANTIAGO DE COMPOSTELA | 11/11/2023 | Actualizada ás 14:15
O delegado do Goberno en Galicia, Pedro Branco, participou este sábado, xunto ao alcalde de Silleda, Manuel Cuiña, na inauguración da Casa do Concello da localidade pontevedresa, na que destacou que a nova casa consistorial é un "edificio de futuro" que permite que o municipio avance como "referente de modernidade e sustentabilidade" e que "garante mellores servizos e atención á cidadanía".
O edificio de nova creación obtivo, segundo manifestou Pedro Branco, pleno apoio do Goberno, que financiou con máis de 156.000 euros a segunda fase de rede de calor deste novo concello, procedente do Ministerio á Transición Ecolóxica e o Reto Demográfico, que o abastece de maneira sustentable de calefacción e auga quente.
Ademais, o representante do Executivo central tamén aproveitou para lembrar que o Goberno de Pedro Sánchez ten un "compromiso coa cohesión social e territorial" e, por iso, "vai saldar unha débeda histórica co Deza rebaixando, por fin, a peaxe da AP-53".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.