A fin de semana deixa 80 persoas feridas en 57 accidentes de tráfico
Por E.P. | SANTIAGO DE COMPOSTELA | 04/12/2023 | Actualizada ás 10:02
Urxencias Sanitarias de Galicia-061 asistiu durante este fin de semana a 80 persoas implicadas en 57 accidentes de tráfico, entre as 15,00 horas do venres e a medianoite do domingo ao luns, segundo informaron fontes deste servizo.
Nese período de tempo a central de coordinación do 061 recibiu 75 chamadas relacionadas con accidentes de tráfico, unhas alertas que xeraron 57 asistencias sanitarias, nas que foron atendidas 80 persoas, un 55 % de homes e un 45 % de mulleres, a maioría entre 25 e 39 anos de idade.
A provincia de Pontevedra foi a que rexistrou máis sinistros durante o fin de semana, con 28 accidentes, seguida pola da Coruña con 20, Lugo con 5 e Ourense con 4 accidentes de tráfico.
Para estas intervencións o 061 mobilizou 64 recursos: as ambulancias asistenciais de soporte vital avanzado interviñeron en 5 accidentes, as ambulancias de soporte vital básico fixérono en 57 accidentes e os equipos de Atención Primaria completaron a asistencia en dous sinistros.
Con respecto ás persoas implicadas, 59 feridos foron trasladados aos centros sanitarios correspondentes, mentres que 21 foron atendidos no propio lugar do accidente.
