Accidente con seis vehículos implicados en Cee

Un accidente múltiple con seis turismos implicados, tres en circulación e tres estacionados, deixou unha persoa ferida no municipio coruñés de Cee. Segundo informou o 112 Galicia, o sinistro ocorreu pouco antes das 14.30 horas no quilómetro 11 da estrada DP-2303, ao seu paso pola parroquia da Pereiriña. A esa hora, un particular alertou á central de emerxencias deste accidente. Coa información achegada, o 112 deu aviso aos servizos sanitarios, á Garda Civil, aos axentes da Policía Local e aos membros de Protección Civil de Cee.

112 | Fonte: Europa Press - Arquivo