O ex líder do PSdeG, Pachi Vázquez, suma a outro ex socialista a súa lista para o 18F
Espazo Común suma ao seu proxecto a Galicia Sempre e a Coalición Galega.
Por Europa Press / Redacción | SANTIAGO DE COMPOSTELA | 07/01/2024 | Actualizada ás 21:00
Espazo Común, a formación fundada polo exsocialista Pachi Vázquez, sumou ao seu proxecto a Galicia Sempre, partido fundado polo ex socialista e alcalde de Becerreá Manolo Martínez, e a Coalición Galega.
Para Espazo Común, a presenza de Galicia Sempre dálle "un novo pulo" a esta coalición, xa que se trata dunha formación "histórica" e "con moita presenza na provincia de Lugo".
En palabras de Pachi Vázquez, "en Galicia hai máis de 400 concelleiros que representan a candidaturas independentes pequenas, que non senten representados pola actual esquerda, descreídos e decepcionados dos grandes partidos, que pasaron de ser partidos de base, a converterse en formacións de cargos".
