18F.- Rajoy recala en Santiago: das tendas da praza de abastos á charla cos anciáns do centro Porta do Camiño

O expresidente do Goberno Mariano Rajoy continúa, en paralelo co líder do PP, Alberto Núñez Feijóo, cunha axenda propia e este venres, en pleno ecuador de campaña, recalou nas localidades de Ordes e Santiago de Compostela. Tamén participou, nesta mesma xornada, no comida mitin de Teo.

E se na comida coincidiu co líder do PPdeG e candidato o 18F, Alfonso Rueda, nos súas outras visitas estivo acompañado doutros dirixentes destacados da formación, como a secretaria xeral do PPdeG, Paula Prado, e o vicepresidente primeiro da Xunta e líder provincial da formación popular, Diego Calvo.

En Santiago, onde tamén estivo acompañado do portavoz local, Borja Verea, Rajoy deu un paseo pola praza de abastos e visitou algunhas tendas. Pero o expresidente tamén tivo a oportunidade de visitar algún dos espazos comúns do centro sociocomunitario de Porta do Camiño, dependente da Xunta, onde tanto el como Prado e Calvo departiron animadamente con varios anciáns, segundo un reel difundido polo líder provincial na súa conta de Instagram.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Diego Calvo Pouso (@diegocalvopouso)