Que pasa co mercado da vivenda en Galicia?... Hai un freo inmobiliario?

A compravenda de vivendas anotouse en Galicia durante 2023 un retroceso do 12,4%, ata un total de 19.149 operacións, segundo os datos publicados polo Instituto Nacional de Estatística (INE) este xoves.

Este descenso é superior ao 9,7% de media de descenso en España, onde houbo 586.913 operacións. A caída de Galicia é a sexta maior entre comunidades, con Baleareas (-19,9%) co peor dato. Só repunta a compravenda en Asturias (5,6%). A caída prodúcese tras dous anos consecutivos de compravendas de vivendas en Galicia á alza: 2021 (19.815 operacións) e 2022 (21.864).

Pola súa banda, o total de leiras transmitidas alcanzou as 105.336, un 3,4% menos que en 2022. A distribución é de 70.839 urbanas (38.284 vivendas, 2.863 solares e 29.692 doutro tipo urbano) e 34.497 rústicas.

HIPOTECAS

Tamén Galicia rexistrou un total de 12.336 hipotecas sobre vivendas en 2023, o que supón un afundimento do 21,9% en comparación con 2022, segundo os datos difundidos polo Instituto Nacional de Estatística (INE) este xoves.

Esta caída é a segunda maior entre comunidades nun ano de descensos xeneralizados, só superada pola Rioxa (-36,1%) e catro puntos peor que a media española (-17,8%). Así mesmo, as hipotecas sobre vivendas en Galicia rompen coa tendencia alcista iniciada en 2019.

O dato de 2023 trátase do menor desde 2020, un ano marcado polas subidas dos tipos de interese para controlar a inflación. E é que en 2021 as firmas foron 14.447, cun repunte de 15.802 en 2022. Lonxe quedan cifras da burbulla inmobiliaria, cando se rozaron as 45.000 rúbricas en 2005.