Tres mortos en Galicia nas últimas horas, un atropelado e outro en accidente laboral

Dous mortos en accidentes, un laboral, e o corpo doutra muller atopado nunha praia. Nas últimas horas son tres os falecidos en Galicia, un en Agolada, outro en Vilanova de Arousa e unha terceira en Ortigueira.

Así Unha muller faleceu este luns no municipio pontevedrés de Agolada tras ser atropelada por un camión. Segundo informou o 112 a través das súas redes sociais, o suceso tivo lugar esta mañá na N-640, no punto quilométrico 148.

Tamén un operario faleceu na mañá deste luns na localidade pontevedresa de Vilanova de Arousa ao quedar atrapado nunha máquina de cortar madeira. Tal como informou o 112 Galicia, este accidente laboral ocorreu na estrada de Deiro, no municipio de Vilanova.

Finalmente, o corpo sen vida dunha muller de Ortigueira que se atopaba en paradoiro descoñecido desde este domingo foi localizado na praia de Bimbieiro, segundo informou Emerxencias 112 de Galicia.