Por E.P. | SANTIAGO DE COMPOSTELA | 24/03/2024 | Actualizada ás 16:13
As persoas desempregadas de 18 a 60 anos poden solicitar ata o próximo 29 de marzo a súa participación na iniciativa 'Lanzadeira de emprego nómada' que a Xunta promove desde A Coruña, de forma gratuíta e en liña, en colaboración a Fundación Santa María A Real. Segundo informou o Executivo galego, as inscricións están abertas ata o próximo 29 de marzo e o programa comezará no mes de abril.
A iniciativa forma parte do proxecto 'Hubs de activación para o emprego' que se dirixe en especial a persoas con dificultades de acceso ao mercado de traballo e en risco de exclusión e en situación de especial vulnerabilidade. Neste colectivo inclúense parados de longa duración, persoas con baixa cualificación, inmigrantes, mulleres vítimas de violencia de xénero, con discapacidade, integrantes de fogares con todos os seus membros en desemprego ou de familias monoparentais.
O proxecto oriéntase a que os beneficiarios actualicen e enfoquen a súa procura de traballo. Os participantes terán ocasións de reforzar as súas competencias dixitais para buscar emprego de forma efectiva e adaptarse aos postos emerxentes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.