Gadis reúne máis de 2.000 microrrelatos para a quinta edición do seu concurso para potenciar a escritura
Os participantes teñen entre 15 e 77 anos
Por E.P. | A CORUÑA | 19/09/2024 | Actualizada ás 17:56
Gadis reuniu 2.016 microrrelatos na quinta edición do seu concurso, con tres galardoados, segundo informa. O obxectivo do mesmo é potenciar a escritura, animar a ler e celebrar a cultura.
Nun comunicado, o grupo de distribución alimentaria destaca a alta participación "que confirma o tirón do certame convocado pola cadea galega de supermercados en Galicia, en Castela e León e no resto de España".
O propósito, engade, "é impulsar a cultura, dar voz ao talento literario de persoas anónimas e incentivar a escritura entre públicos de todas as idades". Os participantes teñen entre 15 e 77 anos.
'Metamorfose' é o título da historia na que recaeu o 1º Premio. A súa autora é Natalia Portas, de Pontevedra. O 2º Premio é para Jesús Suárez, da Coruña, con 'Marte', un relato fantástico e o 3º Premio é para Antonio Sánchez, de Salamanca, con 'El latido cósmico'.
