CC.OO. ve "contundente" a decisión de expulsar ao exsecretario de Industria denunciado por acoso sexual
"Este tipo de condutas non se poden tolerar. Hai que ser contundente na toma de decisións, rápido, cando se ten coñecemento", esgrimiu a secretaria xeral CC.OO. Galicia, Amelia Pérez.
Por Europa Press / Redacción | SANTIAGO DE COMPOSTELA | 08/03/2025 | Actualizada ás 13:10
A secretaria xeral CC.OO. Galicia, Amelia Pérez, defendeu que o sindicato tomou unha "decisión contundente" ao expulsar ao exsecretario xeral comarcal de Industria en Santiago-Barbanza, José María González Cibes, denunciado por acoso sexual. "Eu creo que cando se soubo, por parte da Federación Estatal esta situación, tomouse unha decisión contundente, abriuse o expediente cunha suspensión cautelar, cunhas medidas cautelares", explicou Pérez este sábado en declaracións aos medios.
Así, no momento no que detectaron que "estaba a incumprir" esas medidas cautelares produciuse unha "expulsión inmediata". "Este tipo de condutas non se poden tolerar. Hai que ser contundente na toma de decisións, rápido, cando se ten coñecemento", esgrimiu. A reglón seguido, apuntou que "o máis importante" é "arroupar" aos compañeiros que "tiveron a valentía de denuncialo". Ademais, continuou, hai unha denuncia en Fiscalía, por tanto, "o que queda é o trámite xudicial".
