A deputada do PSdeG Silvia Longueira reivindica a sanidade pública logo de finalizar o seu tratamento oncolóxico
Aínda que estivo a tratamento entre setembro e xaneiro, mantívose activa durante todo o proceso, tal e como destacou, "grazas ao apoio do resto de deputados e deputadas do Grupo"
Por E.P. | SANTIAGO DE COMPOSTELA | 06/05/2025 | Actualizada ás 18:22
A deputada do PSdeG no Parlamento de Galicia, Silvia Longueira, reivindicou a importancia da sanidade pública tras finalizar o seu tratamento oncolóxico. "Sempre sanidade pública", defendeu na Cámara.
A socialista interveu este martes no Pleno do Parlamento de Galicia tras facelo o conselleiro de Cultura, Lingua e Xuventude, José López Campos, que lle mostrou o seu agarimo.
Longueira agradeceu o xesto e reivindicou o traballo do Complexo Hospitalario Universitario da Coruña (CHUAC) e da unidade de Hematología onde seguiu tratamento e que "funciona como un reloxo". "Sempre sanidade pública", afirmou.
A deputada relata que foi a facerse un recoñecemento e detectáronlle o cancro "grazas a un MIR de 2º ano ao que se lle ocorreu pedir unha ecografía", profesional do que tamén se acordou na súa intervención.
Aínda que estivo a tratamento entre setembro e xaneiro, mantívose activa durante todo o proceso, tal e como destacou, "grazas ao apoio do resto de deputados e deputadas do Grupo".
