O BNG prevé un novo verán de colapsos na sanidade pública ante a "inacción permanente e os recortes do PP"

A portavoz de Sanidade do BNG no Parlamento, Montse Prado, reclamou á Xunta que "exerza como goberno" e que "deixe de actuar como comercial da sanidade privada". Así mesmo, denunciou a "inacción permanente e os recortes do PP" en materia de Sanidade e demandou "medidas reais". 

Neste contexto, esixiu ao Goberno galego unha "rectificación" sobre os plans da Consellería de Sanidade para este verán para evitar así, segundo sinalou, "que a sanidade pública, xa danada polas políticas do PP, rexistre unha situación límite nos meses estivais". Neste sentido, advertiu de que "todo indica que a situación límite vivida nos veráns pasados na sanidade pública vaise a repetir", ademais, subliñou a "enorme preocupación que xera a inacción do Executivo de Rueda, que afronta a tempada sen máis planificación que os recortes".

"Non parece moi intelixente pensar que facendo o mesmo se poden agardar resultados diferentes, o PP persiste en pechar camas e consultas hospitalarias cando hai 360.000 persoas en listas de espera", criticou a portavoz nacionalista. Con todo, asegurou que "aínda que o conselleiro diga que non é adiviño, é fácil saber que cada centro de saúde pechado ou con falta de profesionais é un nicho de negocio, igual que o é cada persoa que ten que esperar 10,15, 20 días ou ata un mes para ter unha cita en atención primaria", concluíu.