Piden 4 anos de cárcere para un veciño de Castro Caldelas acusado de saquear 75.000 euros de contas da súa nai nunha residencia
A muller ingresou nunha residencia do partido xudicial de Trives en 2013 e faleceu en 2016. Agora, o fiscal reclama que se indemnice ás outras dúas herdeiras fillas da muller cos 75.846,5 euros supostamente roubados. Ademais, requírese unha multa de 2.300 euros.
Por Europa Press / Redacción | OURENSE | 15/06/2025 | Actualizada ás 13:46
A Audiencia Provicial de Ourense xulga este mércores, 18 de xuño, a un veciño de Castro Caldelas por saquear máis de 75.000 euros de contas da súa nai mentres a muller estivo ingresada nunha residencia, polo cal se enfronta a catro anos de prisión. Segundo o escrito de acusación de Fiscalía, era cotitular ou autorizado nas contas correntes e de aforro da súa nai, as cales se nutrían exclusivamente de achegas dela, de onde sacou diñeiro en efectivo ou o desviou a través de transferencias en repetidas ocasións "con intención de enriquecerse inxustificadamente".
A muller ingresou nunha residencia do partido xudicial de Trives en 2013 e faleceu en 2016. Agora, o fiscal reclama que se indemnice ás outras dúas herdeiras fillas da muller cos 75.846,5 euros supostamente roubados. Ademais, requírese unha multa de 2.300 euros. Todo iso ocorreu a pesar de que se nomeou administradora provisional dos bens da muller á Fundación Pública Galega para a Tutela de Persoas Adultas (Funga), dependente da Xunta, "ante o evidente conflito económico existente entre as fillas da incapaz, por unha banda, e o fillo e actual parella do mesmo por outro". Os feitos que se xulgarán na Audiencia de Ourense son constitutivos dun delito continuado de apropiación indebida.
