A Xunta acusa ao Goberno central de "afogar" as finanzas galegas tras entregar 120.239 millóns de entregas a contas
A Consellería de Facenda di que son 23 millóns menos que os anunciados en 2024.
Por Europa Press / Redacción | SANTIAGO DE COMPOSTELA | 19/06/2025 | Actualizada ás 10:44
A Xunta recibiu, na noite do pasado mércores, comunicación oficial por parte do Goberno central de que Galicia recibirá 10.239 millóns de euros de entregas a conta, 23 millóns menos dos 10.262 millóns comunicados en xullo de 2024 para a elaboración dos orzamentos galegos.
Así o indicaron fontes da Consellería de Facenda a Europa Press, despois de que o pasado mércores o conselleiro de Facenda, Miguel Corgos, denunciase este recorte e queixásese de decatarse por "teletipos" da cantidade que lle correspondía a Galicia. "Por tanto, temos 23 millóns de euros menos que os que tivemos en conta para elaborar os orzamentos", queixouse o conselleiro.
Corgos acusa o Goberno de "afogar" as finanzas autonómicas, ademais de supor un pago en intereses de máis de seis millóns por parte da Xunta para facer fronte a este atraso nas entregas a conta. "Por que non se aprobou este real decreto a finais do mes de xaneiro no canto da finais do mes de xuño como acaba de facer agora mesmo o Goberno?", cuestionaba o responsable de Facenda.
