Os detidos no operativo contra o menudeo de droga en Vilanova de Arousa pasan este venres a disposición xudicial
A pesar de recoñecer que a cantidade de droga incautada "non é moi importante, por agora", Losada subliñou que esta rede estaba no punto de mira dos axentes pola súa "capilaridade".
Por Europa Press / Redacción | PONTEVEDRA | 26/06/2025 | Actualizada ás 14:53
Os tres detidos no último operativo contra o menudeo de droga en Vilanova de Arousa pasarán este venres a disposición do Xulgado de Instrución nº1 de Vilagarcía, en funcións de garda. Segundo informou o subdelegado do Goberno en Pontevedra, Abel Losada, no marco da operación 'Ninja 2', realizáronse dous rexistros en vivendas e tres persoas foron arrestadas, pero "a idea é que ese número se incremente" a medida que avanza a investigación.
A pesar de recoñecer que a cantidade de droga incautada "non é moi importante, por agora", Losada subliñou que esta rede estaba no punto de mira dos axentes pola súa "capilaridade". Segundo explicou, adicábase a prover estupefacientes (cocaína, marihuana e haxix) aos distribuidores finais.
