O salario bruto anual en Galicia foi de 24.169,68 euros en 2022, case un 9% máis que en 2018

O salario bruto anual por traballador foi de 24.169,68 euros en 2022 en Galicia, o que supón un aumento do 8,65% respecto de 2018, segundo destaca o Instituto Galego de Estatística (IGE).

En 2022, o salario bruto dos homes é un 21,51% superior ao das mulleres. As actividades financeiras e de seguros son as que alcanzan ese ano o salario bruto máis alto con 41.468,77 euros.

O grupo de ocupación con salarios máis altos en 2022 foi o de directores e xerentes, que cobraron un 90,22% máis que o salario medio galego.

Mentres, a brecha salarial en Galicia en 2022 foi do 10,4%, é dicir, os homes gañan un 10,4% máis que as mulleres por cada hora traballada.

Mobilización na Coruña para esixir melloras nos salarios e pensións, así como a derrogación das reformas á xubilación de 2011 e 2013.. CIG