Marcos Conde, novo secretario nacional de CIG Industria
Alertou da "grave" situación industrial que vive Galicia: "A nosa capacidade para decidir está secuestrada por intereses alleos, polos ditados do capital financeiro e polas prioridades de Madrid".
Por Europa Press / Redacción | SANTIAGO DE COMPOSTELA | 27/06/2025 | Actualizada ás 18:17
O IV Congreso da CIG-Industria, celebrado este venres, elixiu a Marcos Conde como novo secretario nacional desta sección do sindicato nacionalista. Conde foi elixido --con 110 votos a favor, un nulo e oito en branco-- en substitución de Xoán Xosé Bouzas Aboi, 'Tupi', que ocupaba o cargo desde hai 12 anos. Ademais, elixiuse executiva federal que presentou unha única candidatura nun momento no que a CIG se consolidou como primeira forza sindical en Galicia.
Así, Conde agradeceu o traballo de Tupi "pola súa entrega e contribución a este proxecto colectivo". Así mesmo, alertou da "grave" situación industrial que vive Galicia: "A nosa capacidade para decidir está secuestrada por intereses alleos, polos ditados do capital financeiro e polas prioridades de Madrid".
