Activo un incendio en Marín que afecta a zonas urbanas
Por Europa Press / Redacción | PONTEVEDRA | 27/07/2025 | Actualizada ás 20:42
Un incendio permanece activo desde as 15.21 horas deste domingo na localidade pontevedresa de Marín, aínda que "evoluciona favorablemente cara á súa estabilización", segundo informou a Consellería do Medio Rural a Europa Press.
Estas mesmas fontes informaron de que, en base a unha estimación provisional, a superficie afectada é de cinco hectáreas polo momento. A pesar de que se trata dunha zona de monte na que hai vivendas próximas, en principio non hai perigo para elas.
Ata alí xa se mobilizaron, en total, un técnico, catro axentes, doce brigadas, sete motobombas, unha pa, tres helicópteros e tres avións. Con todo, os medios aéreos xa se están retirando do lume.
