A BRIF de Laza na estrea da nova tempada de 'La Revuelta'
Catro integrantes deste corpo de bombeiros foron entrevistados por David Broncano para lembrar as extremas dificultades que viviron cos incendios na zona accidental de Ourense este verán.
Por Galicia Confidencial | Ourense | 10/09/2025 | Actualizada ás 07:58
O primeiro programa da nova tempada de 'La Revuelta' de TVE quixo lembrar os terribles incendios deste verán, sobretodo na provincia de Ourense, e tivo como convidados a 4 traballadores da BRIF de Laza.
Falaron do seu día a día na loita contra os lumes, reivindicaron melloras laborais e máis atención ao rural e lembraron momentos moi complicados na vaga de incendios deste verán. Concretamente contaron a épica de ter que protexer a un campamento duns 150 nenos/as e 30 monitores/as que estaban na Estación de Montaña de Manzaneda e con todos os accesos pechados para poder fuxir. Desbotada a evacuación tiveron que frear as chamas todo o arredor das instalacións.
David Broncano agradeceu o seu traballo, púxose un uniforme de protección que levan as BRIF como detalle simbólico de visibiliación ata acabar o programa, e recolleu como agasallos unha cesta de produtos de Laza e a bandeira que representa a este corpo de bombeiros e que ten a unha formiga como protagonista.
As BRIF (Brigadas de Reforzo de Incendios Forestais) son un corpo de bombeiros de élite que son transportados/as por helicóptero a lugares estratéxicos para a extinción de lumes como unidade de apoio ás Comunidades Autónomas e dependen do Ministerio para a Transición Ecolóxica e Reto Demográfico.
