O inglés dos nosos políticos

O Goberno de Feijóo acaba de optar por un sistema trilingüe galego-español-inglés para a educación. Sen embargo, a maioría dos políticos galegos e os principais líderes españois obteñen un suspenso neste idioma.

Por Xurxo Salgado | Santigo | 14/01/2010 | Actualizada ás 11:01

O propio Feijóo recoñece non saber esta lingua. Ollade no minuto 2.40 deste video. "Do you think the Spanish Democracy is healthy?", preguntánlle a Feijóo. A resposta: No te he entendido. O reporteiro insiste: Do you think Spanish Democracy is in a good condition?. A resposta: Que no te he entendido. Te he dicho.... Ok, thank you very much, despidese o reporteiro:

Tampouco o seu antecesor no seu cargo, Emilio Pérez Touriño, dominaba este idioma. Unha situación completamente diferente a do ex presidente Manuel Fraga, que foi embaixador no Reino Unido, e que presumía de ler todos os días xornais neste idioma e de falar sete linguas.

Pero o caso de Feijóo, que di coñecer o francés, non é aillado se o comparamos coa política española. No ámbito autonómico só Esperanza Aguirre supera á media xa que fala inglés (estudiou no Instituto Británico), francés e ten nocións de italiano e catalán. O presidente andaluz, José Antonio Griñán fala inglés e italiano e o basco, Patxi López di "defenderse" en inglés e está aprendendo euskera.

En España son moitos os políticos que non saben nada da lingua que moitos aseguran que é fundamental para a educación, comezando polo propio presidente do goberno. E é que Zapatero ten fondas dificultades para desenvolverse neste idioma. Xa as tiña no seu primeiro mandato:

E continúa neste segundo, como aconteceu no recente cumio do de líderes internacionais onde a súa incapacidade co inglés o levou a quedar aillado:

Pero tampouco o líder da oposición, Mariano Rajoy, aproba esta materia. El mesmo recoñeceu no programa 'Tengo una pregunta para usted' que non sabía inglés. Na rede xa hai montaxes nas que mesturan a Rajoy e ao dirixente do maior banco español, o Santander, Emilio Botín, quen tampouco domina este idioma:

En youtube tamén se pode ver videos críticos co descoñecemento que do inglés teñen os dous máximos líderes políticos do Estado:

Pero o máis coñecido presidente "multilingüe" de España foi José María Aznar que logo da súa amistade con George Bush decidiu aprender este idioma e foi á universidade de Georgestown a impartir conferencias:

De feito Aznar tamén se lanzou a falar en texano, italiano, alemán e mesmo catalán:

En Resume. Así está o estado de coñecemento lingüístico dos nosos principais políticos:

Noticias relacionadas

4 carla

Feijóo é o político máis acomplexado de toda a etapa autonómica de Galicia. Un auténtico renegado. Iso é o que é. Renega e renega unha e outra vez. Vive renegando de todo o que non sexa poder e máis poder. A súa relación coa política é enfermiza.

3 ccccccc

A Feijóo danlle igual os idiomas. Se lle importasen algo sentiría a curiosidade por aprender algún deles e nunca o fixo. Lembremos que só sabe falar castelán e en galego deféndese realmente mal e o francés que sabe é para morrer de risa (que recordará él do francés que estudiou fai 30 anos, pois nada de nada). Non é capaz de utilizar a fonética do galego e dí máis palabras en castelán que en galego. Emprega mal as estruturas das oracións e nos textos escritos xa é unha catástrofe. A guerra que mantén Feijóo é contra GALICIA ENTEIRA, odia a súa cultura, a súa lingua, as súas xentes. Odiase a si mesmo tamén. Entón ese autodesprecio levao a traizoar os seus orixes e ao seu pais.

2 un calquera

Ninguén dubida da importancia internacional do inglés. O triste é que un analfabeto nesa língua coma Feijoo entenda que debido a esa importancia o inglés ten máis dereitos que o galego na propia Galicia. Lembremos que o novo decreto impónlle ó galego unha "exención" de tres anos a todo estranxeiro ou estudante procedente doutra comunidade autónoma española. Mais ese mesmo estudante non está exento nen de castelán nen de inglés. Se iso é unha igualdade de dereitos que veña Deus e o vexa. O curioso é que un estudante fillo de magrebíes en Galicia , recén chegado, está exento de galego máis non de examinarse no resto das asignaturas que lle poden ser impartidas en galego. En fin, unha paletada máis dun señor que xa non convence nin ós seus.