O galego Dorado ascende á dirección das mocidades do PP

O Congreso das "Nuevas Generaciones" organizarase dentro de dous meses. Con todo, a dirección do PP acaba de filtrar o resultado final, tras a marcha de Nacho Uriarte. Vídeos no interior.

Por Galicia Confidencial | Madrid | 17/02/2011 | Actualizada ás 02:26

Nacho Uriarte, deputado condenado por conducir borracho, deixará finalmente o cargo. O relevo indicado a varias axencias polo equipo de Mariano Rajoy está formado por unha andaluza, Beatriz Jurado, que será a presidenta, e o galego Javier Dorado, próximo secretario xeral.

Javier Dorado substituíu a María Seoane como líder das mocidades do PP galego este verán. Dorado é estudante universitario e traballa no gabinete da Consellería de Industria, que dirixe o vigués Javier Guerra. Así se presenta nunha videoentrevista colgada polo PP:

Dorado foi líder das Novas Xeracións en Vigo, logo na Provincia e despois gañou o Congreso en Galicia, co apoio do aparato do Partido e integrando aos rivais. Este é un vídeo dunha campaña das mocidades conservadoras nas eleccións á Xunta, no que Dorado chama ao cambio repartindo propaganda e preservativos:

Agora parece que ocupará a secretaría xeral a nivel estatal, mentres que a presidenta será Jurado. Un respaldo ao peso do PP galego e o andaluz na maquinaria da rúa Génova. Velaquí os artigos de Dorado publicados no GC.

Uriarte, un ano como presidente malia ser detido

O mandato de Uriarte finalizou en setembro de 2009. Tres meses despois era sorprendido conducido baixo os efectos de alcol. Como é aforado, foi o Supremo quen o xulgou e condenou hai un mes. É dicir, o PP mantívoo á fronte das mocidades máis dun ano mentres se resolvía o caso coa previsíbel condena de retirada do carné e multa por 2.400 euros. O Congreso celébrase agora con dous anos de atraso sobre o previsto, pero meses antes das eleccións locais.

Cada ano morren no Estado 900 persoas en accidentes causados por condutores ebrios.

9 xuno

Dorado e jorge cubela (agora alcalde de cotobade) son dous bons exemplos do pior do PP. Xente de menos de 23 anos que non rematou a cadeira pero cunhas ganas enormes de ter un soldiño á conta dos contribuíntes sen prepararse. mentres tanto os seus compañeiros de promoción en dereito andarán acabando a carreira e buscando un traballo....¡¡¡qué panolis!!!

8 Perrecho

"Interesábame o servizo público", di no vídeo. Non me extraña. Vivir da Xunta con 21 anos sen ter acabado a carreira e enchufado a dedo ten que molar moito, moito. SUPER FUERTE DE LA MUERTE, TÍO.

7 Viriato

Outro sin oficio nin beneficio que vai a vivir da política, mentres os mellores do País van para Alemania e demais países da U.E., porque agora coa política Zapateril nin para a garda civil ou policía nacional. Teño moi claro e podedesvos decatar todos de acotío, botade unha ollada os tres líderes Feijóo, Vázquez&Vazquez. Con semellantes preas ¿a donde pensades que vai Galicia?: a cortaduría.

6 CranioF

Éste como o Uriarte. Curioso o da media melena nos xóvenes do PP, melena pero ben peinadiña. Pásalles como ás mulleres nacionalistas, co seu uniforme de feministas radicais (¡non vaia ser que nos tomen por mulleres-floreiros!). Estes rapaciños do PP pensarán "no vaya a ser que me tomen por pijo, voy a dejarme crecer el pelo un poco, pero no mucho". Tamén está o uniforme do perfeito militante varón de Galiza Nova: greñonas medio rizadas atadas nunha coleta, barbas bastante feas ou gafas, e en xeral, aspecto "indie" (polo menos era así ata hai pouco). xDDDD

5 Pardo de Cela

O caso deste rapaz é semellante ao do que hoxe é ministro, Pepinho Branco: un profisional da política que non fixo máis que comezar os estudos e que, nun futuro, o seu currículo vitae dirá que ten estudos de dereito. Non descartedes que remate de ministro, no estado e na xunta temos varios casos.

1 Black Crow

¿Y Paco Rodriguez, qué? Pues ya me dirás para que vale ser licenciado en filología hispánica si eres el baranda del bloque.

2 fazouro

Cal é o problema exactamente con que unha persoa se forme en filoloxía hispánica, traballe dando aulas (sufrindo tamén represión ao tempo) e despois sexa catedrático ao tempo que desenvolve unha actividade política? Canto clasismo.

3 mariñamansa

o problema de Paco Zarzuelas é que leva dirixindo a UPG (que é o mesmo que o BNG, CIGA, SLG -até hai un par de anos que se escapou e agora é Fruga-, Adega, Mesa, Federación AA. CC. culturais, etc.) desde os anos setenta. Son 4o anos no poder, na cabeza dunha organización con métodos dos setenta... Son máis anos que Mubarak, e iso non é decente!