Os resultados definitivos das primarias de En Marea ratifican a vitoria de Villares

O comité electoral fixo público o reconto final, sen variacións nos votos respecto dos datos provisionais. A candidatura 'Coidando a casa' impúxose co 59'24% dos votos fronte ao 40'76% de 'Entre todas'.

Por Europa Press / Redacción | Santiago de Compostela | 27/12/2018 | Actualizada ás 10:35

Comparte esta noticia

O comité electoral de En Marea fixo públicos os resultados definitivos das primarias do partido instrumental, que confirman a vitoria da candidatura 'Coidando a Casa', encabezada por Luís  Villares. Esta lista empúxose a aqueloutra liderada por David Bruzos, 'Entre todas', e fíxoo cunha marxe de 498 votos entre os 2.694 emitidos polos inscritos da organización.

O portavoz de En Marea, Luís Villares, nunha entrevista con Europa  Press. EUROPA PRESS - Archivo
O portavoz de En Marea, Luís Villares, nunha entrevista con Europa Press. EUROPA PRESS - Archivo

Na noite deste mércores, dous días despois da publicación dos resultados provisionais, o comité electoral comunicou o reconto definitivo, que non revela diferenzas de votos respecto a os dados a coñecer o pasado luns. Así, a lista de  Villares obtivo o 59,24% dos votos (1.596) polo 40,76% de 'Entre Todas' (1.098).

Con todo, a candidatura perdedora non recoñece os resultados e encargou unha auditoría propia ante a sospeita de que durante o proceso se produciron supostas "irregularidades" nunhas primarias nas que participou o 56% (2.694) dos 4.877 inscritos con dereito a voto.

Así mesmo, o comité electoral -na reunión deste mércores só participaron os membros que están aliñados coa dirección saínte- afirma no seu comunicado que o proceso de primarias se desenvolveu "sen incidencias de consideración, e as que houbo foron resoltas polo soporte técnico practicamente en tempo real". "Non se produciu nin unha só queixa sobre a posibilidade de que se puidese dar suplantación de identidade nestas votacións e o sistema utilizado caracterizouse pola súa seguridade", di a nota de prensa do comité electoral.

Así as cousas, este sábado 29 de decembro está fixada a data para a constitución do  Consello das Mareas, máximo órgano de dirección do partido instrumental. O  Consello estará composto por 21 persoas da lista de  Villares (que tamén se fai cos cinco postos da Comisión de Garantías) e 14 da candidatura 'Entre Todas', promovida por Podemos,  Anova,  EU e as mareas de Santiago, A Coruña e Ferrol.

Con todo, previsiblemente estes últimos non tomarán posesión do seu posto, dado que rexeitan o resultado das primarias, sobre as que pesa unha denuncia xudicial por presuntas "ilegalidades" presentada por un membro da Comisión de Garantías saínte, Manuel Nogueira, aliñado co sector crítico.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

3 RAMIRO DE YOLI

DESAPARECIDA: Co que lle gusta falar e sair nos medios e o calada que está Yolanda Díaz

2 fuco

xa de paso alguén pode explicar por que o administrador da nova empresa contratada para o reconto comparte apelido cun destacado membro do sector " oficial" do Consello das Mareas?

1 Gamela

Hai catro días o censo total era de 4.400 e hoxe xa son 4.877 ! moito medran os números dende que se puxeron a Coidar a Casa !!! Un Consello con 21 membros poderá seguir dándolle ao contador tódolos días un chisco para ver se chegan aos 5.000 e poden seguir votando sen oposición algunha! Agora virán as purgas stalinistas (UPG) que é o estilo nacionalista de facer política dende hai máis de 50 anos! Todo correcto, seguimos para Bingo! https://i.gal/gamela07 (bloqueando contas de twitter foron todos moi eficaces!)