Por E.P. | SANTIAGO DE COMPOSTELA | 16/03/2019 | Actualizada ás 19:00
Esquerda Unida elixiu as persoas candidatas para as Eleccións Xerais do 28 de abril nas provincias galegas, entre as que figura por Pontevedra a ferrolá Yolanda Díaz.
Conforme aos resultados, na Coruña a lista está encabezada por Loreto Taibo Rama con Luís Víctor Ruíz, como segundo. Por Lugo encabeza Vanesa Somoza Domínguez seguida de Héctor Ortega Sánchez; e por Ourense Isabel Peña-Rey, seguida de José Antonio Villar Blanco. No caso de Pontevedra, a lista encabézaa Yolanda Díaz, seguida de Juan José Rodríguez.
O acordo político estableceuse nun marco propio para Galicia, en colaboración con Esquerda Unida Federal. A proposta de coalición foi avalada por máis do 80% a favor da consulta interna aos militantes e simpatizantes no referendo sobre as eleccións xerais do 28-A que tivo lugar o xoves e o venres.
Esquerda Unida destacou que "a pesar das dificultades, condicionadas pola limitación do marco temporal, Esquerda Unida afronta en positivo e con forza o proceso de Eleccións Xerais". A formación móstrase "convencida de que a presenza da confluencia da esquerda rupturista no Congreso e no Senado, a través de En Común-Unidas Podemos, é a única arma para combater nas institucións as políticas que atacan aos dereitos da clase traballadora".
En Común-Unidas Podemos é a marca electoral elixida para a coalición de Esquerda Unida, Podemos Galicia e Equo para as xerais e coa que precisamente Yolanda Díaz encabezará a lista por Pontevedra. Desta forma, Díaz cambia de circunscrición e lidera a lista por Pontevedra, mentres que a da Coruña quedará encabezada polo actual secretario xeral de Podemos Galicia, Antón Gómez Reino.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.