Cando Xuntos, (aínda estando dentro de Podemos), opúxose á construccion de En Marea, explicou que un espazo onde non se respectaba a preeminencia do partido que naquel momento xeraba a ilusión do cambio, era un proxecto conducido ao fracaso.
Despois avanzouse no despropósito facendo que a xente dunhas organizacións políticas inscribíranse a modo individual dentro de En Marea para " fagocitar" ás outras organizacións, e que En Marea fose o "espazo único"...outra vez explicamos que isto era contra natura e que ía estalar
Ambas as predicións resultaron certas e o espazo terminou rompendo, pero fíxoo porque nunca estivo unido, sempre foi unha confluencia de intereses, e non dos cidadáns precisamente. A unidade popular constrúese dialogando con respecto co teu interlocutor, e pensando no pobo, non en intereses propios.
Desde que se impuxo a convocatoria das eleccións xerais Xuntos dialogou, ou o tentou, con En Marea, Podemos Galicia, Marea de Ferrol, Redondela Pode, ACE, BNG e unhas cantas forzas mais, ata con CxG...
A unidade popular que tanto cacarean algúns non é real, o significado para eses algúns referidos é o ordeno e mando, a colocación dos seus, e o control...a unidade popular sen embargo é todo o contrario, é xenerosidade, e cesión polo ben común...a dificultade estriba en cando só cede unha parte
Xuntos seguirá sentándose á mesa con quen queira falar, sempre estará en disposición de diálogo con todos, pero o certo é que agora mesmo tan só quedan abertas dúas vías de diálogo, unha para as xerais e outra para as municipais, as demais vías están nun punto sen retorno polo exceso de celo do propio e falta de pensamento do común
Unidas Podemos e En Marea fracasarán no seu intento de demostrar quen se come a quen, e acabarán engulidos pola súa propia soberbia, esperemos a que a caída desde tan alto non lles mate e si lles faga recapacitar, outros quedamos á espera de que o pouco que quede tras este fracaso anunciado poida ser recuperado nun futuro non tan afastado no tempo