Lidia Senra considera "unha polémica resolta" a súa posición sobre a vacinación e anima a participar nas europeas

En Marea avisou de que Galicia se "xoga moito" en Europa e chamou aos galegos a participar nos comicios europeos do próximo 26 de maio, nos que a formación concorre xunto a Compromis na coalición Compromiso por Europa.

"En Europa xogámonos moito e, por iso, non podemos deixar en mans de calquera a representación que vaiamos ter a partir do día 26", manifestou o portavoz de En Marea, Luís Villares, que puxo en valor o traballo realizado na última lexislatura pola eurodeputada e número dous da coalición, Lídia Senra.

Precisamente, Lida Senra lembrou que "en torno ao 80% das decisións políticas" que afectan á vida dos galegos "proceden da Unión Europea" de forma "directa ou indirecta". Así, sinalou que, a pesar de que os traballadores da pesca e a agricultura teñen "moi claro" que políticas como a PAC ou a Política Pesqueira Común (PPC) aféctanlles directamente, "o resto da cidadanía tende a pensar" que Europa que "non vai" con eles.

Por iso, de cara á cita coas urnas do próximo 26 de maio, En Marea destacou que inicia a súa campaña electoral comprometida coa necesidade de deseñar unha Europa "máis xusta e social", que antepoña as necesidades das persoas e na que Galicia "conte con voz unha voz propia capaz de defender as necesidades dos galegos e galegas".

"Feminismo, ecoloxismo, pacifismo, xustiza social e participación cidadá serán os valores compartidos que a coalición na que se integra a candidatura de En Marea esforzarase por priorizar nas institucións europeas a partir do 26 de maio", tal e como indicaron.

CONTINUAR O TRABALLO INICIADO

Neste contexto, a candidata, que concorre no segundo posto da colación Compromiso por Europa, considerou necesario "dar continuidade" ao traballo que desenvolveu no últimos cinco anos en políticas "moi concretas".

"Neste mandato abriuse o debate e están xa encima da mesa os regulamentos para a reforma da PAC 2020-2027. Están aprobados os textos xa na Comisión de Agricultura, pero no próximo mandato, os deputados e deputadas que formen o Parlamento terán que tomar a decisión final para aprobar definitivamente a nova PAC", lembrou Lida Senra, que asegurou que non lle gusta a proposta saínte da Comisión e avanzou que lle dará "unha orientación totalmente diferente".

Outra das cuestións que quedou encima da mesa, segundo apuntou, é o regulamento de control de pesca. "En nome do PPC están a facerse reformas que aínda que usan como argumento favorecer a pesca artesanal, o certo é que o PPC está a levar a pór cada vez máis trabas á pesca artesanal e de pequena escala", indicou para subliñar que é un regulamento que "ou ten que ser retirado ou ten que haber un compromiso específico de que non vai afectar á pesca artesanal".

Máis aló diso, destacou outras prioridades, como é a "repartición da riqueza". "A UE ten os suficientes recursos como para que ningunha persoa viva na pobreza, sen ter un teito para vivir ou sen poder alimentarse correctamente", explicou Lida Senra, que se compromete, entre outras cuestións, a traballar polo "establecemento da renda básica universal a nivel europeo e a actuar en materia laboral para garantir un salario digno e por unhas pensións públicas que garantan a calidade de vida".

E é que, conforme sinalou Villares, a aposta de En Marea pasa por "deixar atrás" un modelo europeo deseñado "de costas" ás persoas para impulsar unha nova construción "social, que non deixe a ninguén atrás".

VACINAS

Por outra banda, preguntada sobre cal será a súa posición sobre a vacinación tras a polémica na que se viu inmersa tras unha iniciativa sobre as vacinas nas que preguntaba sobre a obrigatoriedade do seu uso e a información existente sobre elas, Lidia Senra subliñouse que esa é unha "polémica resolta" e que o seu obxectivo é defender a sanidade pública en todas as institucións nas que participe.

26M.- En Marea Avisa De Que Galicia Se 'Xoga Moito' En Europa E Chama Aos Galegos A Participar Nos Comicios | Fonte: Europa Press