A Xunta e a Deputación de Ourense fan seu o legado da Xeración nós grazas á Editorial Galaxia

A Editorial Galaxia, unha das máis senlleiras de Galicia, aliouse coas institucións gobernadas polo PP, Xunta e Deputación de Ourense, para reeditar dez libros dos autores máis representativos da Xeración Nós, unha xeración caracterizada, curiosamente, pola reivindicación do caracter nacional de Galicia.

Presentación da Biblioteca Nos.. XUNTA | Fonte: Europa Press

De feito, na presentación desta nova colección participaron o conselleiro de Cultura, Román Rodríguez, o presidente da Deputación de Ourense, Manuel Baltar, e o presidente da Editorial Galaxia, Antón Vidal. sentativos da Xeración Nós reeditados con motivo do centenario da revista.

Durante o acto, o conselleiro reivindicou á Editorial Galaxia, unha editora con "mais de 70 anos de historia e case 4.000 títulos" ás súas costas e lembrou "a resistencia cultural do galeguismo e que está moi vinculada tanto a Nós como a Ramón Otero Pedrayo, presente na súa primeira asemblea".

Así mesmo, o titular de cultura da Xunta destacou o valor da cidade de Ourense na actividade e creación cultural, así como a importancia deste grupo de intelectuais para a súa historia. "Falar de Ourense é facelo dunha referencia cultural, artística e literaria, dunha cidade que acolleu a numerosos escritores e poetas e que viu nacer un dos monumentos máis importantes dos últimos séculos, a Xeración Nós", dixo Manuel Baltar.

DOUS LIBROS DE RISCO

Concretamente, os 10 títulos que recolle e reedita esta Biblioteca Nós son: 'O esquecedor mentor de Nós', de Antón Losada Díeguez, 'Teoría do nacionalismo galego' e 'Leira', de Vicente Risco, 'Polos vindeiros da saudade', 'Entre a vendima e a castañeira' e 'O Señorito da Reboraina', o tres de Ramón Otero Pedrayo;'Co pensamento na patria', de Antón Vilar Ponte, 'Antífona dá cantiga', de Ramón Cabanillas e 'Diario 1921, de Castelao.

Curiosamente, o primeiro número da revista Nós comeza coas "Primeiras verbas", un artigo colectivo onde se aprecian varios dos propósitos deste grupo xeracional: a chamada da terra (Galiza), a dignificación da cultura galega, o carácter universalista. Todos estes trazos estarán presentes nas obras destes escritores que acabaron abrazando o galeguismo e algúns deles, como Castelao, sendo deputado en Cortes dentro da Fronte Popular.