As exportacións galegas dispáranse un 65% en outubro, o maior incremento entre autonomías
Superan os 20.000 millóns de vendas ao exterior nos 10 primeiros meses.
Por E.P. | SANTIAGO DE COMPOSTELA | 17/12/2021 | Actualizada ás 18:46
Galicia rexistrou vendas ao exterior por 3.672,3 millóns de euros en outubro, de forma que se incrementan un 65% en comparación co mesmo mes de 2020, segundo os datos que publica este venres o Instituto Galego de Estatística (IGE).
Este repunte do 65% é cinco veces maior que o avance do 13,6% que se computa na media española. Trátase do maior incremento entre autonomías. Deste xeito, as exportacións galegas volven a terreo positivo tras a baixada interanual que houbo en setembro.
Na media do que vai de ano, entre xaneiro e outubro, Galicia xa superou os 20.000 millóns en vendas á exterior --cifra que excede por quinto ano consecutivo--, un 22,8% máis en comparativa co mesmo período de 2020, por encima do aumento estatal (+21,1%).
Se se compara con 2019, o último ano antes da pandemia, tamén hai un aumento nos dez primeiros meses (+13%). Galicia é a quinta comunidade con mellor comportamento no que vai de 2021, conta cun saldo favorable de 4.400 millóns entre exportacións e importacións, mentres a balanza comercial de España é negativa.
O tirón nas exportacións en outubro explícase polo gran aumento ocorrido nas pezas de vestir: as de punto soben un 168,9% e as que non son de punto elévanse un 241,7%.
AUMENTO DE EMPRESAS
Galicia alcanza as 8.347 empresas exportadoras en 10 meses de 2021, un 29,5% máis. Nese período, nahttps://www.ige.eu/web/index.jsp?paxina=001&idioma=glval (+60,5%), industria metalúrxica (+49,5%) e automoción (+13,1%) teñen os mellores datos.
Por países, as exportacións que máis crecen na UE son a Italia (+34,4%), Portugal (+16,7%) e Francia (+10,1%).
