A Xunta e o sector loxístico galego asinan un convenio para impulsar o Corredor Atlántico de mercadorías

A conselleira de Infraestruturas e Mobilidade, Ethel Vázquez, e o presidente do Clúster da Función Loxística de Galicia, Xoán Martínez, asinaron este luns en Vigo un convenio para impulsar o Corredor Atlántico Noroeste de Mercadorías.

Segundo sinalou Ethel Vázquez, o obxectivo do acordo, que leva aparellado un orzamento de 140.000 euros, é unir "o interese estratéxico da Xunta" para potenciar a competitividade da rexión a través de infraestruturas e servizos, co interese do conxunto de operadores da cadea loxística aglutinados no clúster.

Nese sentido, o goberno galego financiará estudos, encontros de traballo e foros para axudar a "implantar os estándares ferroviarios dos corredores europeos" e para potenciar as infraestruturas ferroviarias para o transporte de mercadorías, facendo fincapé na "intermodalidad".

A conselleira volveu a subliñar que o Corredor Atlántico de mercadorías permitiría evitar a emisión de 22 millóns de toneladas de CO2, abaratar en máis de 1.300 millóns de euros o custo do transporte e mobilizar uns 6.500 empregos ao ano.

O director de Mobilidade da Xunta, Ignacio Mestre; a conselleira de Infraestruturas e Mobilidade, Ethel Vázquez; e o presidente do Clúster da Función Loxística, Xoán Martínez, tras a firma dun convenio para impulsar o Corredor Atlántico.. XUNTA DE GALICIA | Fonte: Europa Press