Atropelados dous traballadores en Vedra por un coche que se deu á fuga
, tres persoas resultaron feridas en dous accidentes de circulación en Santiago.
Por Europa Press / Redacción | SANTIAGO DE COMPOSTELA | 14/09/2023 | Actualizada ás 11:47
Dous traballadores das obras que se realizan na autoestrada AP-53 resultaron feridos ao ser alcanzados á altura do muncipio coruñés de Vedra por un turismo que non se detivo a socorrer aos operarios.
Deste accidente rexistrado á primeira hora da mañá deste xoves no punto quilométrico 9,4 da autoestrada en dirección Santiago informou o CIAE 112 Galicia, que mobilizou aos efectivos de Urxencias Sanitarias 061 para atender aos feridos. Os operarios foron evacuados ao policlínico A Rosaleda de Santiago.
ACCIDENTE
Por outra banda, tres persoas resultaron feridas en dous accidentes de circulación rexistrados á primeira hora deste xoves en vías de alta capacidade da periferia de Santiago de Compostela.
Segundo trasladou o CIAE 112 Galicia, os sinistros producíronse con minutos de diferenza na autovía A-54, á altura da parroquia de Sabugueira, e na autoestrada AP-9 ao seu paso polo barrio de San Lázaro.
