Urxen medidas ante o reto de substituír a 40.000 autónomos que se xubilarán nos próximos 5 anos en Galicia
Actividades como a construción e o comercio son as máis ameazadas pola falta de substitución xeracional.
Por Europa Press / Redacción | SANTIAGO DE COMPOSTELA | 08/10/2025 | Actualizada ás 13:23
A Unión de Profesionais e Traballadores Autónomos (UPTA España) demandou medidas, entre elas un gran pacto de Estado, ante o "reto" de substituír a autónomos nos próximos cinco anos, en concreto 40.000 en Galicia, segundo especifica. Nun comunicado, afirma que leva anos alertando "da problemática que supón que o noso país estea a atravesar unha transformación demográfica, social e económica que está a afectar de maneira directa á sustentabilidade de traballo por conta propia".
"Segundo os últimos datos, 38.267 persoas traballadoras autónomas de Galicia teñen máis de 60 anos, o que significa que un de cada cinco autónomos alcanzará a idade de xubilación e xubilarase, nos próximos 5 anos". "Deles, máis de 10.000 xa teñen 66 anos cumpridos", engade. Mentres, afirma que actividades como a construción e o comercio son as máis ameazadas pola falta de substitución xeracional. "Esta realidade non só afecta ao colectivo de traballo por conta propia, senón tamén ao colectivo de traballadores asalariados, onde máis de 1,5 millóns de traballadores superan os 60 anos", remarca.
