Por José Freire | Pontevedra | 14/07/2010
Era o comezo dunha longa estadía na cadea, que está a punto de rematar en próximas datas. Aínda que, segundo o que puído transcender das investigacións policiais e xudiciais (está decretado o segredo do sumario), no desenrolo da denominada “Operación Repesca”, o clan que el lidera cachárono outra vez nas patacas.
Ao parecer, varios membros da súa familia, xunto con algún avogado e empresario, poden están involucrados no branqueo de capitais, ou o que é o mesmo, a adquisición, utilización, conversión ou transmisión de bens procedentes de actividades ilícitas, neste caso do narcotráfico, para ocultar ou encubrila súa orixe ou axudar á persoa que tivera participado na actividade delituosa a eludilas consecuencias xurídicas dos seus actos, así como a ocultación ou encubrimento da súa verdadeira natureza, orixe, localización, disposición, movementos da propiedade ou dereitos sobre os mesmos.
Unha vez máis, cabe felicitar aos compañeiros que levaron a investigación, que podo asegurarlles non resulta tan doada como parece. Son moitos os atrancos, anos de investigación, os que tiveron que vencer e pasar os funcionarios policiais.
Pero merece a pena o esforzo.
Temos que impedir que os autores de delitos graves e execrables poidan gozar do froito das súas accións. Non so por cuestións morais, que tamén, senón para evitar o efecto tan pouco reeducador que conduce á sensación de impunidade.
Procurala descapitalización destas organizacións resulta positivo para evitar que unha parte dos beneficios se reinvista no proceso produtivo. É dicir, previr o financiamento de próximos delitos.
Non podemos esquecer o efecto que sobre a poboación ten esa posibilidade de alcanzar facilmente a riqueza. Por desgraza, nalgunhas zoas de Galicia, algúns mozos elixen dedicarse ao tráfico de drogas e non ao traballo, o estudo ou o esforzo, como método para alcanzala.
E para ilo a acción pública debe ir encamiñada a apoiar aos suxeitos obrigados na implantación e mellora das medidas contra o branqueo de capitais. No eido financeiro son, principalmente, as entidades de crédito e as empresas de servizos de inversión.
Débese apoiar a investigación e a persecución das actividades de branqueo, enriquecendo as investigacións policiais e os procesos penais, con máis e mellores medios. Débese favorecela investigación patrimonial dirixida á localización de activos, xa que estes bens xustifican a actividade delituosa.
O fenómeno do branqueo de capitais non é un problema doméstico que poidamos atallar con medidas unilaterais. Debe ser un obxectivo primordial o fortalecer a acción internacional para mellorala efectividade dos sistemas anti-branqueo doutros países e xurisdicións.
“Don Manuel Charlín”, o mesmo que fai vinte anos, volveuna a cagar.