Ser galego pode ser un problema para seguir en GH

As redes sociais ferven coas declaracións sobre o galego da coruñesa Marta López. Xa hai quen propón que marche do país. Anxo Lorenzo critica os tópicos da concursante.

Os guapos non poden falar galego

Por Galicia Confidencial | Santiago | 15/02/2011 | Actualizada ás 18:08

Poucas sabían das andainas dunha tal Marta López polas pantallas televisivas. Nada que ver con Israel, o primeiro galego de Gran Hermano e que, anos despois, foi fichado por Xosé Manuel Piñeiro na TVG como reporteiro de rúa. Tamén pasaron por Gran Hermano un galego-senegalés, Andalla, que foi expulsado pola audiencia, como dixo el mesmo, "por ser extranjero" ou Paula, famosa polo seu carácter e por posar medio espida en Interviu. Houbo máis, pero xa sen tanta sona...ata que chegou Marta López, que curiosamente, comparte escenario con outro vigués, Yago Hermida, ex da tamén televisiva Yolanda Berrocal.

Marta entrou na casa de Gran Hermano para amosar a "imperiosa necesidad de demostrarle al mundo que no todas las mujeres somos iguales". A rapaza, de 25 anos, dependenta, presentouse con moito aquel no programa. "Hago lo que quiero y perreo con quien quiero, como quiero y cuando quiero" e que lle gustaba botar "un poco de picante a la vida". Un picante que saltou en forma de galego.

"Fóra de Galicia"

E é que as súas declaracións no programa asegurando que "le da el bajón" cando un mozo lle fala en galego fixeron que non sexa unha muller "igual" en Galicia.

No Facebook xa hai un grupo que pide que marche "fóra de Galicia" por "petarda". A páxina abriuse este luns e un día despois xa ten case 1.400 persoas. Galegos e non galegos de todas partes do mundo critican, en galego e en español, as súas palabras e piden que, aínda que sexa paisana, hai que botala fora do programa. Por iso, xa hai quen propón que se fagan chamadas masivas a Gran Hermano para botala da casa.

Tamén no twitter son moitos os comentarios sobre Marta López, que se converteu non dos temas preferidos polos usuarios das redes sociais nos últimos días.

"Reproduce tópicos"

A polémica é tal que ata o propio secretario xeral de Política Lingüística deu a súa opinión. En declaracións a periodistadigital Galicia, Anxo Lorenzo sinala que "reproduce tópicos presentes na sociedade galega, especialmente nunha parte da mocidade urbana da Coruña e Vigo".

"Esta impresión negativa sobre o galego ven de moi atrás, no é dos últimos anos. Desde o século XVIII asociase o galego ao rural e as clases menos acomodadas", aclara.

Noticias relacionadas

Os guapos non poden falar galego

18 XUSTICEIRO

Por min xa se pode quedar no Madri que aqui non e ben recibida fora da Galiza Martita pa te ti ca

17 Antibifido

Polo xeral, o 90% da xente que pensa como ela, e xente que non ten moitos estudios, gustalle moito as "digcotecas", ir de "shopping", moito complexo de inferioridade, e que non podes falar moito mais de catro palabras con eles, porque a cultura que ten e moi, pero que moi limitada. Galleguiños en estado puro.

16 LLM

Non son Tópicos, é xenofobia. A galegofobia é xenofobia e non se critica nin se tolera coma unha opinión máis, combátese, repróbase, denúnciase. Se chega a dicir o que dixo en plan prexuizoso sobre os gais xa estaba fóra do programilla de marras, pero claro, meteuse co galego e cos galegofalantes, algo ao que a clase política deste País e boa parte da sociedade segue a ver como natural e como moito criticable.

15 juan

pues los del pp y nuestro principal periódico -la voz de galicia- te estamos de acuerdo, por eso hacemos todo lo posible para exterminar el gallego de esta bonita tierra.

14 Mastro

SEría unha perfecta candidata para UPyD!! Non me dirán que non. Rosa Diez (unha administrativa) que se cree con cultura dabondo para dar leccións a todo cristo e esta moza (unha dependenta) como cabeceira de lista pola Coruña. Sería o non vai máis da política. Os galegos renegados e con escasísima cultura teñen un oco na penuria do GH, e nós como jilipollas facéndonos eco das súas vidas. Así é este país.

1 LLM

Facermonos eco? por favor, non é o mesmo darlle coba a esta tipa que denunciar publicamente a galegofobia (xenofobia) a ver se somos un pouquiño máis precisos. Coa galegofobia tolerancia 0, ainda que saia da boca dunha descerebrada, que por outra parte soe ser o habitual.