Ser galego pode ser un problema para seguir en GH

As redes sociais ferven coas declaracións sobre o galego da coruñesa Marta López. Xa hai quen propón que marche do país. Anxo Lorenzo critica os tópicos da concursante.

Os guapos non poden falar galego

Por Galicia Confidencial | Santiago | 15/02/2011 | Actualizada ás 18:08

Poucas sabían das andainas dunha tal Marta López polas pantallas televisivas. Nada que ver con Israel, o primeiro galego de Gran Hermano e que, anos despois, foi fichado por Xosé Manuel Piñeiro na TVG como reporteiro de rúa. Tamén pasaron por Gran Hermano un galego-senegalés, Andalla, que foi expulsado pola audiencia, como dixo el mesmo, "por ser extranjero" ou Paula, famosa polo seu carácter e por posar medio espida en Interviu. Houbo máis, pero xa sen tanta sona...ata que chegou Marta López, que curiosamente, comparte escenario con outro vigués, Yago Hermida, ex da tamén televisiva Yolanda Berrocal.

Marta entrou na casa de Gran Hermano para amosar a "imperiosa necesidad de demostrarle al mundo que no todas las mujeres somos iguales". A rapaza, de 25 anos, dependenta, presentouse con moito aquel no programa. "Hago lo que quiero y perreo con quien quiero, como quiero y cuando quiero" e que lle gustaba botar "un poco de picante a la vida". Un picante que saltou en forma de galego.

"Fóra de Galicia"

E é que as súas declaracións no programa asegurando que "le da el bajón" cando un mozo lle fala en galego fixeron que non sexa unha muller "igual" en Galicia.

No Facebook xa hai un grupo que pide que marche "fóra de Galicia" por "petarda". A páxina abriuse este luns e un día despois xa ten case 1.400 persoas. Galegos e non galegos de todas partes do mundo critican, en galego e en español, as súas palabras e piden que, aínda que sexa paisana, hai que botala fora do programa. Por iso, xa hai quen propón que se fagan chamadas masivas a Gran Hermano para botala da casa.

Tamén no twitter son moitos os comentarios sobre Marta López, que se converteu non dos temas preferidos polos usuarios das redes sociais nos últimos días.

"Reproduce tópicos"

A polémica é tal que ata o propio secretario xeral de Política Lingüística deu a súa opinión. En declaracións a periodistadigital Galicia, Anxo Lorenzo sinala que "reproduce tópicos presentes na sociedade galega, especialmente nunha parte da mocidade urbana da Coruña e Vigo".

"Esta impresión negativa sobre o galego ven de moi atrás, no é dos últimos anos. Desde o século XVIII asociase o galego ao rural e as clases menos acomodadas", aclara.

Noticias relacionadas

Os guapos non poden falar galego

8 MacBert

Non me cabe dúbida. Hoxe en día, unha porcentaxe moi elevada da xente culta deste país usa en galego. E cando digo xente culta non me refiro, claro está, nin a ricos nin a humildes, senón a persoas cultivadas de calquera extracción social. Marta López é unha paleta de cidade, como tantas outras de calquera parte que acoden a semellante tipo de programa para lucir a palma e facerse famosos para ser ricos (que é o que realmente importa). O malo é que @s galeg@s sempre temos que dar a nota do autoodio e o complexo de inferioridade que nos inoculan na vea cando nacemos.

7 DanielErreCe

Segundo esta nena os galegos de Lugo falan "galego bruto". E tamén é "galego bruto" dicir "ghato" ou "sinco"... Por desgraza esta moza non é unha excepción. Moita xente nova aínda asigna valor ás persoas segundo a súa extracción social. Despois de pobre, ser ignorante é o peor. O que non sei é en que mundo viven. Como é posible que aínda hoxe asocien ser falante en galego con ser ignorante?? E que non van a escola?? Debe ser iso, está claro quen é o ignorante. Que país !!

6 DanielErreCe

Da Coruña e Vigo? Sobre todo de Vigo. En Coruña aínda atopas mocidade que usa o gelego ou que o defende aínda que non o use. Pero en Vigo?? Atopar unha moza ou un mozo que fale galego é máis difícil que pintar un peido de cores.

1 Vighés

Ola! Sonche vigués de nacemento e morada, teño 20 aniños e son galegofalante a tempo completo. Non é que petemos a cidade, pero...exisitmos! Dáme a sensación de cheirar algo da tradicional competencia Coruña-Vigo...engánome?

2 DanielErreCe

Equivócaste. Son de Cacheiras (Teo), pero coñezo moi ben Coruña e tamén Vigo e, por suposto, Compostela. Pódoche asegurar que Coruña é unha das cidades máis galeguistas, incluso máis que Ourense (cidade). Actualmente, éo máis que Compostela, onde, desde que somos capital hai unha fartura de pijos que non dan palabra en galego e que che miran mal se o usas en público. Unha vergoña. O dito, Coruña é unha das cidades galegas onde se usa máis o galego, incluída a mocidade, ou polo menos a min párecemo. Xa ves que non traballo con tópicos. Non quero dicir que non haxa moita xente que non o usa e que fala en "coruño", pero incluso esa mocidade que usa o "coruño" ten un sentimento nacional de Galiza moi forte (sentimento que en Vigo é máis feble, aínda que tamñen existe). Noraboa por usar o galego nunha contorna tan hostil. Ten moito mérito.

3 Vighés

Quería dicer, "de cheirar algo da tradicional competencia Coruña-Vigo no teu comentario". Desculpen

4 DanielErreCe

Equivócaste. Son de Cacheiras (Teo). Coñezo ben case toda Galiza e especialmente Coruña (nacín e me criei alí). Tamén coñezo Vigo e teño bo/as amigo/as de aí. Póoche asegurar que Coruña é, das cidades grandes, onde máis galego se fala (coido que incluso máis que en Ourense capital) e quizás menos que en Lugo. En Corula é bastante normal escoitar a mocidade falar galego, cousa que en Vigo hai anos que non percibo. Incluso Compostela, desde que somos capital, perdeu moita o uso do galego entre a xente nova. Agora hai unha fartora de pijo/as que só falan en español e que te miran mal se falas en galego e din moito iso do "galego é bruto".

5 Vighés

Que non se entenda o meu comentario como un ataque á Coruña, non dubido de que hai moito de esaxeración no tópico antigalego da Coruña. Hai tanto antigaleguismo en Vigo como na Coruña, por desgraza, e cada vez máis polo energúmeno que temos de alcalde. Era só unha puntualización. Hai rapaces e rapazas en Vigo que usan o galego no seu día a día.

6 DanielErreCe

Así é ghichiño. O importante é saber que estamos aí, sexa onde sexa. Somos galegos e sentímonos ben sendo o que somos, que non che é brincadeira. Un saúdo galeguista.

7 GALEGO

A realidade, que en Vigo e cidade o que chaman de Aluvion, moita xente e de fora, e por querer facerse un espazo na cidade, pretende botar ao lixo a todo o que cheire a Galego, para ser alguen. Pousada, La Licoreira, Larrauri, e demais bifidos a maior parte de eles son de Vigo, e casi sempre os pais mais as familias son de fora. esa e a realidade. Polo xeral e normal falar de desprezo dos de Ourense, que non e outra cousa que desprezo aos Galegos. Pero tamen somos moitos os que estamos moi pero moi orgullossos de ser o que somos GALEGOS, CON LETRAS BEN GRANDES, que si non o falamos sempre, o facemos sempre que podemos, e con moitas gañas de tapar a boca a mais de un. VIVA, GALIZA, VIGA VIGO E VIVA CORUÑA

8 Vighés

Concordo ao 100% co comentario de GALEGO. É tal, o fenómeno da caída do uso do idioma en Vigo veu motivado principalmente pola chegada masiva de xente de concellos do interior para traballar na cidade, que como viñan precisamente á cidade, pensaban que para progresar precisarían falar castelán e ensinarlles esta lingua aos fillos, de xeito que os complexos polo galego estendéronse como a pólvora. Non se me malinterprete, non é un ataque aos galegos do interior (eu son descendente desa inmigración, vaia!) Pero a xente orixinaria de Vigo falaba galego maioritariamente. E ben bonito. Agora é moi difícil escoitar ese galego, mais se un presta atención sobre todo á xente maior dos bairros máis periféricos do centro pode escoitar un maravilloso seseo, xente con gheada suave...unha delicia. Que por desgraza, pérdese a pasos axigantados... Viva Galiza! =D

9 Manoliño

Penso que esquecedes Ferrol, cidade contra a que non teño nada, pero penso que é onde mais difícil resulta atopar a alguén que fale galego. Eu coñezo uns cantos ferroláns, e so un fala galego. En calquera caso teño unha amiga galego falante que chegou á Coruña nos 80 e di que esto cambiou, que antes mirábana mal se falaba galego e agora non ocorre. O nacionalismo demonizounos tanto, que a xente colleu medo, e sendo o castelán a lingua maioritaria, en xeral penso que a poboación non ten problemas en cambiar de rexistro lingüístico cando o contertulio é galego falante. E unha das cousas que favoreceron os pescadores a río revolto son os piques Coruña-Vigo, estupidez que so perxudicou a ambas cidades e favoreceu a quen pescaba...

10 Rayleigh

Un apuntamento. O Larrauri ese, que de vez en cando deixa súas chorradas nas cartas ó director do Faro de Vigo, non é vigués. Nin sequera é galego. El mesmo recoñece que veu a Vigo hai 27-28 anos. E polo visto é o gauleiter de UPyD nas próximas eleccións.

5 Urco

Que un dos "escuros", como diría Pondal, diga estupideces, nun programa da telemerda, é algo que me importa tres carallos, de feito con non velos está o problema resolto, o que si me preocupa é a invasión da peste dos eucaliptos que está a arrasar esta Terra, mentres os políticos non fan nada e os ecoloxistas poñen cara de despiste, asubían e miran cara outro lado. Poderoso cabaleiro e Don Diñeiro e, mentres tanto, os nosos montes a arder verán tras verán, o territorio desertizándose, as fragas, os soutos, as carballeiras e todo a fermosa variedade vexetal e faunística autóctona deste fermosa Terra camiño de ir totalmente po carallo pola irresponsabilidade de todos nos.