Por E.P. | SANTIAGO DE COMPOSTELA | 16/02/2019 | Actualizada ás 10:55
Unha persoa resultou ferida este venres tras arder "por completo" unha vivenda en San Fiz de Vixoi, no concello coruñés de Bergondo.
Tal como informou o 112 Galicia, os servizos de emerxencia tiveron constancia do ocorrido sobre as 19,30 horas deste venres, cando un particular informou do suceso. Na chamada, esta persoa indicaba que o propietario da vivenda se atopaba fóra da casa.
O Centro Integrado de Atención ás Emerxencias (CIAE) púxose en contacto cos Bombeiros de Betanzos, así como cos axentes da Policía Local, coa Garda Civil, con Protección Civil e cos servizos de urxencia sanitarios.
Segundo os datos facilitados polo 112 Galicia, o interior da vivenda ardeu "por completo, quedando só en pé os muros da casa". Así mesmo, o dono foi trasladado polos efectivos sanitarios a un centro hospitalario.
INCENDIO EN SILLEDA
Doutra banda, unha persoa recibiu asistencia sanitaria no lugar de Curro, no concello pontevedrés de Silleda, tras resultar afectada o fume dun incendio declarado no interior dunha vivenda.
Segundo o 112 Galicia, o lume iniciouse ao redor das 03,00 horas da madrugada deste sábado, e ata o lugar desprazáronse os Bombeiros de Deza e os axentes da Garda Civil.
Unha vez apagado o incendio, que proviña dunha caixa de plástico con roupa, os profesionais sanitarios trasladaron unha persoa con problemas respiratorios ao centro sanitario para a súa valoración.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.