Por E.P. | SANTIAGO DE COMPOSTELA | 10/12/2019 | Actualizada ás 17:50
A Universidade de Santiago de Compostela reforma a súa imaxe nas redes a través dunha nova páxina web coa que pretende actualizar tanto a súa relación coa comunidade académica e estudantil como coa contorna social no que está integrada.
O reitor compostelán, Antonio López, presentou esta nova iniciativa na sede do Centro de Investigación en Medicina Molecular e Enfermidades Crónicas (CiMUS), como parte dunha renovación da imaxe institucional da universidade que inclúe, ademais, o próximo lanzamento dunha aplicación móbil.
Trátase, segundo destacou López, de adaptar a "estratexia comunicativa dixital e os seus contidos aos tempos, ás persoas e ás tecnoloxías actuais", un "fluxo de innovación permanente" no que a institución debe pensar o horizonte que quere alcanzar con estas ferramentas.
"Tal e como concibimos a universidade, non é a outro lugar nin obxectivo máis que ás persoas e á comunicación máis eficaz con elas", insistiu. O proceso de renovación partiu, inicialmente, da 'web externa' para potenciar a imaxe da USC cara ao público xeral, e que é a que se pon en funcionamento neste momento. Así mesmo, xa arrincaron os traballos para actualizar a 'web de continuidade', nunha segunda fase na que ese creará unha intranet e levará esta nova etapa ás páxinas de centros, facultades, servizos e onde acceden os usuarios.
Sobre todo, a nivel organizativo, tívose en conta nas prioridades o acceso a través de dispositivos móbiles, "en consonancia" coas demandas de usabilidade por parte dos usuarios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.