As idas e voltas na política

Do mesmo xeito que aconteceu co proselistismo e denuncia atosigante que ate hai uns meses facía unha televisión local nesta nosa Auria, agora acontece algo semellante coas reivindicacións do goberno de Nuñez Feijoo ó executivo de Pedro Sánchez.

Por Manuel H. Iglesias | Ourense | 29/01/2020

Comparte esta noticia

Supoño que moitos ourensás lembran cando, quen hoxe é o noso alcalde,  andaba facendo entrevistas e denunciando os buracos que había nas beirarúas da cidade e no rural do concello. Pois resulta que dende que pisou moqueta e senta na cadeira de rexidor, esas visitas e as correpondentes denuncias pasaron ó esquecemento  mais, as eivas denunciadas siguen esperando solucións.  Pois ben,  algo sememellante acontece en San Caetano, onde antes da moción que cambiou o goberno na capital do reino, non existían reivindicacións cara o executivo do sr. Rajoy. Todo era un calar de complicidade  que, de súpeto, mudou ó cambiar ó, chamado  por eles, ocupa da Moncloa.  Sí, daquelas por  non pedir, nin esixían que se cumpliran  os acordos aprobados por  unanimidade no Parlamento galego e que  reivindicaban importantes cuestións. Eran asuntos que non  tiñan presa.  Máis as cousas trocaron e agora que temos un goberno cheo de comunistas e roxos, o presidente e  os  conselleiros, silenciosos noutro momento,  saen á palestra reivindicando e denunciando o que antes calaban ou agochaban.
Máis, esas reivindicacións tan vistosas, chocan con feitos que indican que todo é un postureo cheo de falacias e moito teatro. Que o do Ave non chegará no presente ano, xa o ten asumido todo o mundo. Que a estación intermodal sera de terceira clase, pois tamén. E asi poderíamos seguir enumerando cuestións importantes que afectan a Galicia e, en particular, a Ourense. Cuestións que uns e outros pormeteron e dixeron que  serían obras que marcarían un tempo pois pasarían á historia como algo moi salientabel.  

Mariano Rajoy con dirixentes do PP, entre eles, Núñez Feijóo, Alfonso Rueda ou Ana Pastor
Mariano Rajoy con dirixentes do PP, entre eles, Núñez Feijóo, Alfonso Rueda ou Ana Pastor | Fonte: PPdG

Non hai moitos meses a Espranza Branca, que é como se definiu o noso rexidor local, falaba de que Ourense estaba discriminado diante a Xunta. Pois ben,  agora que fixo grandes amigos co pacto da vergoña, tamén o silencio volve a ser unha realidade. Isa realidade lévanos  a ver as  idas e voltas que da a política; lévanos a aturar   os discursos, promesas  e verborreas que un día  din unha cousa e logo fan outra. O máis recente o asunto de Verín e o seu hospital. Primeiro foron razóns técnicas e  economicas pra cortar o servizo. Agora a presión veciñal fixo revertir a cuestión.   Claro que non hai que fiarse, pois estamos en ano electoral e xa veremos se a posta en marcha deste paritorio soamente é unha cuestión ate que pasen as eleccións á Xunta.
Pero, o maís triste de to isto, é que a política sobor de todo en Ourense chegou a tal grao de desprestíxio que é preciso que a sociedade ourensá reaccione. E que o faga xa.  Pois, por moito que se diga e anuncien os que mandan, Ourense camiña cara a nada; camiña cara un emorecemento que semella ser aceptado cunha resignación que arrepía. E afirmo isto con toda contundencia,  pois o problema de Ourense vai moito máis ala dunhas piscinas que aspiran a convertirse en parque acuatico no complexo de Monterrei; vai moito máis alá dunha escaleras mecánicas ou de modificar o pendello que vai ser a estación de chegada do Ave. O problema de Ourense cidade e provincia xa é un asunto de actitude e aspiración  cidadán. Sí de cidadáns  que queiran fuxir dese conformismo enfermizo que obriga ós nosos fillos e netos a emigrar fora desta terra. A Vila de Verín deu un exemplo. E se non somos capaces de seguilo, Ourense será un ermo poboacional sen futuro,   é a cidade   perderá o posto de ser a terceira urbe galega.
Por iso, diante tantas idas e voltas que dán os que nos gobernan; diante tanto postureo, e tantas contradiccións  como teñen é preciso rebelarse e deixar o conformismo enfermizo que como sociedade nos afoga. En fin: fagámonos valer.
 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Manuel Herminio Iglesias Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com